Сәламәтлек атнасы уңаеннан бакчабызда төрле чаралар үткәрелде, бигрәк тә спорт уеннарына зур әхәмият бирелде. Малайлар велосипедларда, кызлар самокатларда үзләренең җитезлекләрен сынадылар  һәм велосипедта йөрү кагыйдәлерен искә төшереп, ныгыттылар

     Балалар  бакчасында  балаларның  сөйләм  телен үстерү, милли  тәрбия бирү иң мөһим чараларның берсе булып тора. Бу максаттан балаларны үз яшьтәшләре белән генә түгел, үзләреннән кечерәкләр һәм өлкәннәр белән дә  аралашу мөмкинлеген  даими  тудырабыз.  Зурлар төркемнәре кечкенәләр өчен концерт, театрлар куйса , кечкенәләр исә төрле экскурсияләрдә, өлкәннәр белән төрле  тематик очрашуларда  аралашырга, танып  белергә өйрәнә.

  Шул максаттан   20 нче июль көнне, Вәҗиева Хәния җитәкләгән беренче кечкенәләр төркемендә тәрбияләнүче  Шагалиев Самирның  дәү әнисе белән күңелле очрашу булды. Балалар  дәү әнине бик җылы кабул иттеләр.  Алдан әзерләнгән  чәй  табыны артында   дәү әни балаларны татар  халкының  милли ашлары белән таныштырды, әдәплелек  кагыйдәләренә  кагылышлы сорауларын да тәкъдим итте. Балалар да сорауларга кызыксынып җавап бирделәр. 

    Балалар өчен бу   чарада өлкәннәргә карата  хөрмәт  уяту, ярату  хисләре тәрбияләү  дә максат  итеп  куелган  иде.

Зурлар төркеме балалары бүген кечкенәләр төркемендә кунакта булдылар, алар нәни дусларын  "Теремкәй" рус халык әкиятен кашык театры ярдәмендә күрсәтеп, сөендерделәр. Нәниләр үз чиратында апа-абыйларына үз сәләтләрен күрсәттеләр: шигырь-җырлар башкардылар. Очрашу бик күңелле узды.

Уртанчылар төркеме балалары прогулка вакытында җәйге яңгырны күзәтеп, аның турында әйтем- мәкальләр, эндәшләр өйрәнделәр. Яңгырның файдалы, зыянлы яклары турында кызыклы әнгәмә  кордылар

Асфальтта рәсем ясау – бу бик күңелле һөнәр генә түгел, иҗатта һәм сабыйның тирә юньне өйрәнүдә белем дә алуы. Зурлар  төркеме балалары  белән дә безенең балалар бакчасында “Күңелле җәй” исемле, асфальтта төсле акбурлар белән рәсем ясау бәйгесе үткәрелде. Балалар төрле хайваннар, салават күпере, кояш, чәчәкләр, кайбер балалар үзләренең үч төпләрен ясадылар. Соңыннан балалар үзләренең рәсемнәрен кызыксынып карадылар. Бу бәйге төрле матур җырлар, җырлы-уеннар, шигырьләр белән үрелеп барды.

Дус яшәргә кирәк җир йөзендә,

Дуслар кирәк һәрбер кешегә.

Дуслык булса яшәү дә күңелле,

Уңай була һәрбез эшең дә.

Уртанчылар төркеме  участогында кызу эш өстендә: чуп утыйлар. Кечкенәләр зур абый -апаларын кызыксынып күзәтә

Илебездә Футбол буенча дөнья чемпионаты шаукамы безнең “Алтынчәч” балалар бакчасына да килеп җитте.Зурлар төркеме малайлары белән ике командага бүленеп футбол тибү ярышы уздырдык. Җанатарлар кызларыбыз һәр команда фаворитларына  көч биреп исәп 2:1 бн “Очкын” командасы кубокка ия булды.

Бәйрәм булды, зур бәйрәм.
Матур җырлар җырлый-җырлый
Уйнадык әйлән-бәйлән.
Уйнап торды музыка,
Зур мәйдан шау-гөр килде.
Җырладык та, биедек тә,
Төрлебез төрле көйгә.
Без җырладык Сабантуйда
Иң матур җырлар сайлап.
Безнең җырга зәңгәр күктән
Кошлар кушылды сайрап.

Бакчабызның балалары  дини киемнәр киеп, Сабантуй мәйданында һәм татар йөрты янында концерт номерлары белән районыбызның Сабантуй бәйрәмендә чыгыш ясадылар

Балаларга хезмәт тәрбиясе бирү максатыннан балалар бакчасының тәҗрибә участогында елда  яз-җәй эш гөрли. Бу елдада бу эш   дәвам итте. Тәҗрибә участогында һәр төркем балалары, апалары белән берлектә үз яшенә туры килгән яшелчәләрне, бөртекле культураларны  утыртып, җәй буена аларны карап,  үсешен күзәтеп, көз көне уңышны җыеп алалар