Бакчада көзге уңышны җыеп алуда  1-9 класс укучылары актив катнаштылар. Чөгендер, кишер, бәрәңге җыеп алынды. Участок чупләрдән чистартылып куелды.   

Сентябрь ае терроризмга каршы көрәш айлыгы дип игълан ителде. Шул уңайдан мәктәптә айлык план чаралар планы төзелде. Балалар арасында аңлату эшләре алып бару максатыннан әңгәмәләр, класс сәгатьләре үткәрелә. 

Бүген 1 сентябрь - Белем көне! Мәктәбебез бусагасын 3 укучы беренче тапкыр атлап керде . Аларны беренче укытучылары Земфира Мозаффар кызы каршы алды. Шушы нәни укучылар өчен тәүге тапкыр беренче кыңгырау чылтырады. Яңа уку елы котлы булсын! Яңадан яңа уңышлар һәм үрләр яуларга язсын!

25 август көнне укытучыларның август киңәшмәсенең пленар утырышы  район мәдәният йортында "Педагогларның һөнәри осталыгының үсеше - уңышлы белем бирүнең нигезе" темасы буенча узды.   Фаттахов Илдар Сәетҗан улы  муниципаль район башлыгының Рәхмәт хаты белән бүләкләнде. Котлыйбыз! 

24 май көнне мәктәптә "Соңгы кыңгырау" бәйрәме үтте.Бәйрәм белән котларга районнан вәкил, авыл җирлеге башлыгы, "Әнәк" агрофирмасыннан җитәкчеләр, ветеран укытучылар килде. Алар үзләренең изге теләкләрен чыгарылыш класс укучыларына җиткерделәр. Мәктәп директоры бәйрәм белән котлады, алдынгы укучыларга, укытучыларга диплом, истәлек бүләкләре тапшырды.Ата-аналар  укытучыларга рәхмәт сүзләрен әйттеләр, укучыларга ак юл теләделәр.

4 май  көнне  Актанышта җәйге спорт сезонын ачу нисбәтеннән, Фирая Солтанова - Жданова Кубогына җиңел атлетика буенча эстафета булып узды. Күркәм традициягә әверелгән әлеге чарага район җирлегендәге мәктәпләр, гадәттәгечә, бик теләп катнашты. Ярышларның төп максатлары: укучыларның сәламәтлеген ныгыту, сәламәт яшәү рәвешен пропагандалау һәм районыбыз мәктәләрендә җиңел атлетиканы популярлаштыру. 

Район мәгариф бүлеге планы нигезендә күпкырлы сәләтле, зыялы татар балаларын барлау, аларны үз яшьтәшләре арасында республикакүләм таныту, татар шигъриятенә мәхәббәт тәрбияләү максатыннан, 25 нче апрель көнне “Г.Тукай исемендәге шигырь укучылар” бәйгесенең район этабы үткәрелде. Безнең мәктәптән әлеге бәйгедә Газиева Алинә (1 класс), Ганиева Нәзилә (2 класс), Шакирова Лиана (3 класс), Ганиева Әдилә (4 класс)  катнашты.