Бүген, ягъни 5 нче апрель көнне, Мөслим районында "Без бергә" республика балалар иҗат фестиваленең зона этабы үтә. Безнең мәктәптән  Шәмсетдинов Расил Һади Такташның "Мокамай" шигыре белән чыгыш ясый. Аңа  уңышлар телибез.

5 апрель көнне  Актаныш районы "Бүләк" чыңгы-роллер трассасында бу елның соңгы чаңгы ярышлары узды.  Чарага районыбызның барлык белем бирү учреждениеләре командалары да чакырулы иде. Безнең мәктәп командасы укучылары Хабибуллина, Зиннурова, Җәмилов, Гәрәев, Хәйдәрова  уңышлы чыгыш ясап команда  4 урынга лаек булды. Шәхси беренчелектә Хабибуллина А. -1 урынны яулады, кубок грамота, медаль белән бүләкләнде. Укытучылары: Хабибуллин Айдар Дамир улы. Молодцы! Киләчәктә дә зур уңышларга ирешүләрен телибез!

3 апрель көнне “Ел укытучысы - 2018”, “Ел тәрбиячесе - 2018”, “Ел сыйныф җитәкчесе - 2018” “Ел педагог-оештыручысы - 2018”, “Ел өстәмә белем бирү педагогы - 2018” ,“Ел педагог-психологы - 2018” Республикакүләм бәйгенең муниципаль этабы җиңүчеләрен, лауреатларын бүләкләү тантанасы уздырылды.

Тантанада 2014 елда “Ел укытучысы” бәйгесе тарихында беренче тапкыр "Россиянең ел укытучысы" исеменә лаек булган Татарстан кызы - Алла Головенькина катнашты. Район күләмендә “Педагогик дебют” номинациясендә җиңү яулаган безнең мәктәпнең инглиз теле укытучысы Солтанова Ләйсән Илсур кызына    Россия дәрәҗәсендә хөрмәтләнгән педагог кулыннан рәхмәт хаты алу бәхете  дә елмайды. 

30-31 март көннәрендә "ГТО бар гаилә белән" республика күләмендә үткәрелгән бәйгедә район данын  безнең мәктәптән Хабибуллиннар гаиләсе яклады һәм уңышлы чыгыш ясап кайттылар.

Учитель английского языка Султанова Л.И. награждена дипломом Всероссийской блиц-олимпиады учителей " Педагогический кубок" .

Бүген педагогик киңәшмә булды. 3 чирек нәтиҗәләре буенча класс җитәкчеләрнең чыгышлары тыңланды. Гарданова З.М " Укучыларга экологик тәрбия бирү", Фатыйхова Д.Ә " Укучыларга патриотик тәрбия бирү", Бәдертдинова З.Б. " Укучыларга әхлак тәрбиясе бирү" темаларына чыгышлар ясадылар. Киңәшмәдә алда торган бурычлар, планнар белән таныштырылды.

Муниципаль район Башлыгы призына  татар-башкорт милли көрәше  Актаныш келәменә үз батырларын җыйды. 28  март көнне “Актаныш” универсаль спорт комплексын 2000 елгы һәм яшьрәк көрәшчеләр катнашты. 

Турнирның максаты:  көрәшче малайларны осталык ягыннан үстерү, яшь батырларны, райондагы иң көчле спортчыларны барлау, беренче Президентыбыз Минтимер Шәймиев кубогына апрель аенда узачак республикакүләм бәйгеләргә сайлап алу.  

Әлеге бәйгедә безнең мәктәп данын Шәмсетдинов Р., Шәйхуллин И. яклады.

26-27 март көнне 9 класс укучылары Актанышта рус теленнән,математикадан ОГЭ биреп карыйлар. Аларга уңышлар телибез.