Әтәс төп гомуми белем бирү мәктәбенең 9 сыйныф укучылары 17 март көнне җәмгыять белеменнән  имтихан тапшырып кайттылар.

Фәннәр буенча һәр класста Татарстан Республикасы фән һәм мәгариф министрлыгы тарафыннан тәкъдим ителгән контроль эшләр үткәрелә.

"Мәгариф идарәсе" планы нигезендә һәм укучыларның интеллектуаль потенциалын үстерү максатыннан 15 март көнне икенче санлы Актаныш урта мәктәбендә "Математик регата" уены оештырылды. Регатада район мәктәпләренең 7-8 сыйныф укучылары көч сынашты. Безнең мәктәптән дә  составында 3 укучы булган команда катнашты - Хабибуллина Алинә, Камалетдинов Айназ, Гыйлметдинов Айзат. Гомуми нәтиҗәләр буенча алар 3 урынга ия булдылар. Укытучылары-  Галиева Г.В. Котлыйбыз!

14 март  көнне икенче санлы Актаныш урта мәктәбе базасында 5-6 класслар арасында рус теленнән диктант язу буенча  "Кто грамоте горазд, тому не пропасть"район конкурсы булып узды.  Безнең мәктәптәпн   Насыйров Алмаз ( 5 класс), Хисамова Миләүшә (6 класс) катнашты. Хисамова Миләүшә призер булды. Аны җиңүе белән котлыйбыз!

11 нче март көнне кышкы сезонны ябу буенча район күләмендә укучылар арасында чаңгы ярышы үткәрелде. Безнең мәктәпнең 5 укучы составындагы командасы бу юлы да сынатмады, һәркем тырышлыгын, җиңүгә бөтен көчен куйды. Хәбибуллина Алинә - 1, Фатыйхов Илфар - 1, Гыйззәтуллина Луиза - 3, Нуртдинов Нияз - 6, Камалетдинов Айназ 8 урынны яуладылар. Гомуми нәтиҗә исә бик куанычлы - 1 урынны яуладылар. Афәрин, егетләребез һәм кызларыбыз булдыралар!  Зурдан -зур уңышлар, сәламәтлек телибез!

«Безнең кадерле  ветеран» республика хәйрия акциясе кысаларында район балалары арасында кул эшләре конкурсы үткәрелде. Конкурска төрле жанрда һәм төрле техника белән ясалган эшләр кабул ителде. Безнең мәктәптән дә укучылар теләп катнаштылар. "Иң шәп топиарий" номинациясендә 7 класс укучысы Гараева Ләйлә һәм Афзалова Назлыгөл үзләренең кул эшләре белән 1 урынга лаек булдылар. Җитәкче - Шакирова Әлфирә Индус кызы.

Бүген, ягъни 6 март көнне, мәктәбебез командасы “Нәрсә? Кайда?  Кайчан?” интеллектуаль уенында үз көчен сынады.

Бүген мәктәптә  6-9 нчы  класс кызлары арасында "Ягез әле, кызлар" кичәсе үтте. Кызлар "Ромашка" һәм "Дуслык" командаларына бүленеп, төрле бәйгеләрдә көч сынаштылар.

3 нче март көнне башлангыч классларның әти-әниләре белән берлектә гаилә бәйрәме үтте.  Укучылар бәйрәм белән котлап, җыр, биюләр, үзләрене кул эшләрен бүләк иттеләр.

3 нче март көнне "Яшьлек" милли-мәдәни үзәгендә районыбызның 14 яше тулган егетләргә, кызларга тантаналы рәвештә Россия Федерациясе гражданины паспорты тапшырылды.Тантанада безнең мәктәпнең 8 енче класс укучысы  Хисамова Энҗе  катнашты.