Балалар арасында юл һәлакәтләрен булдырмау, юлда йөрү, беренче медицина ярдәме күрсәтү кагыйдәләре буенча белемнәрен арттыру максатыннан, һәр елда да район күләмендә "Куркынычсыз тәгәрмәч" бәйгесе үткәрелә. Бәйге шартлары буенча, бу ярышта 12 яше тулмаган укучылар катнаша ала. Быел Шәмсетдинов Расил, Насыйров Алмаз, Хабибуллина Адилә, Зиннурова Эльвина безнең мәктәп данын яклап чыгыш ясадылар. Сынатмадылар укучылар: мактаулы 2 урынны яуладылар. Молодцы! Укытучылары: Хабибуллин А.Д.

Бүген мәктәптә Бөтенрәсәй бердәм ТИН дәресе үткәрелде. Укучыларга гадәттән тыш хәлләр вакытында үз-үзеңне тоту, янгын куркынычсызлыгы кагыйдәләре кабаттан аңлатылды. Дәрестә презентация кулланылды. Практик өлештә укучылар противогаз белән эшләү күнегүләре башкардылар. Укытучы: Хабибуллин А.Д.

28 апрель көнне  Пучы урта гомуми белем бирү мәктәбе оештырган мәктәп китапханәчеләрнең “Губдулла Тукайның тормыш юлы һәм иҗаты буенча проект эшчәнлеге” темасына район семинары булып узды.  Анда безнең мәктәпнең китапханәчесе Шириева М.Р. катнашты.

"Җиңүнең 71 еллыгына багышланган "Безнең кадерле ветеран" Республика хәйрия акциясе кысаларында  мәктәптә   һәр класс  укучылары аерым сугыш һәм тыл ветераннары  турында альбом ясадылар.   Ветераннарның якыннары белән очрашып,  алар турында мәгълүмат туплап, тормыш юлы, сугыш вакытында күрсәткән батырлыклары чагылдырылдырган альбомнар эшләнде. Җиңүче дип табылган   6 класс укучыларының Фаттахов Хәмит Фәттах улы турында эшләнгзн альбомы район этабына җибәрелде.

26 апрель көнне район мәдәният сараенда татар халкының бөек  шагыйре Габдулла Тукайның тууына 130 еллык юбилейга багышланган кичә уздырылды. Анда  безнең мәктәптән дә укытучылар, укучылар катнашты.

Актаныш үзәк китапханәсе оештырган "Тукай турында а" викторинасында укучылар һәм укытучылар актив катнашты. 8 класс укучысы Хәбибуллина Алинә- 1 урынны  һәм татар теле һәм әдәбияты  укытучысы Галиева Ландыш 2 урын алдылар һәм грамота, истәлекле бүләкләр белән бүләкләнделәр.

Габдулла Тукайның тууына 130 ел тулуга багышлап, 26 апрель көнне мәктәптә    "Тукай -сүнмәс йолдыз ул" дигән әдәби - музыкаль  кичә үткәрелде. Кичәне 5, 6 класс укучылары алып барды,1 -4 класс укучылары  Тукай әсәрләрен әсәрен сәхнәләштерделәр . Бәйрәм  “Туган тел” җыры белән төгәлләнде. Оештыручы : Галиева Л.И.

25 нче апрель көнне IX сыйныф укучылары өчен Мәгариф һәм фән министрлыгының 2016 ел 25 нче мартында расланган №538/16 боерыгы нигезендә татар теленнән бердәм республика тестлары үткәрелде. Бу тестларны бирүдә безнең мәктәптән  чыгарылыш классының 5  укучысы катнашты.

21 нче апрель көнне Балалар иҗат үзәгендә 3 нче фәнни-техник иҗат фестиваленә әзерлек кысаларында техник иҗат күргәзмәсе оештырылды. Әтәс  төп гомуми белем бирү мәктәбеннән үзенең иҗат эше- ракета, корабль, самолет модельләре белән катнашып,  5 нче сыйныф укучысы  Җәмилов Нурзил  " Ракетомоделизм" номинациясендә мактаулы 2 нче урынга лаек булды. Җитәкчесе-Фаттахов И.С. Аларны җиңүләре белән котлыйбыз һәм киләчәктә дә иҗат уңышлары телибез.

21 апрель көнне Такталачык мәктәбендә "Габдулла Тукай әсәрләрен сәхнәләштерү" бәйгесендә 1-5 класс укучылары тарафыннан "Пар ат" шигыре сәхнәләштерелде.