Көзге каникуллар башлану уңаеннан,бүген иртәнге линейка үткәрелде. Укучылар белән куркынычсызлык техникасы кагыйдәләрен үтәү буенча инструктаж үткәрелде. Аеруча 71 -Закот РТ,  юл йөрү кагыйдәләре ,җәмәгать урыннарында үз-үзеңне дөрес итеп тоту кагыйдәләренә басым ясалды.

 Укучыларның ялын дөрес һәм файдалы итеп үткәрү максатыннан ,31 октябрьдән башлап 7 ноябрьгә кадәр мәктәптә 9-11 сыйныф укучылары өчен көзге лагерь оештырылачак. 

 Без барлык укучыларга да күңеллә көзге яллар телибез!

тәрбия эшләре буеча директор урынбасары : Ахметова А.М.

21 нче октябрь  көнне башлангыч сыйныфлар белән “Иң Зур Дәрес “ уздырылды.Дәрес РФ нең фән һәм мәгариф министры урынбасары В.Ш.Кагановның балаларны сәламләү мөрәҗәгате белән башланды. Мультфильм аша дөньякүләм максатлар белән таныштырылды.

     РФ нең фән һәм мәгариф министры урынбасары В.Ш.Каганов һәм “Обнаженные сердца” (балаларга ярдәм итү) фондын оештыручы  - Н.М.Водяноваларның инклюзив белем бирү турында чыгышлары тыңланылды.  Мөмкинлекләре чикле дөньякүләм танылган шәхесләр  белән таныштырылды.  Гариплеге булган кешеләр янында үзеңне дөрес тоту , аралашу кагыйдәләре өйрәнелде.

      Интернет -урок "Школа для всех" был  проведен   Сулеймановым Р.Х. в 8-11 классах и Тагировым Р.А. в 5-6 классах с использованием видеоматериалов.

Бүген 1-4 сыйныф укучыларына "Мәдәни көндәлек" ләр тапшыру буенча тәрбия сәгате үтте. Көндәлекне тутыру тәртибен китапханәче Хайруллина Р.К. һәм башлангыч сыйныф укытучысы Халиуллина Н.М. таныштырдылар. Барлык укучыларга уңышлар телибез.

16 нчы октябрь көнне мәктәптә "Көзге бал " бәйрәме үтте. Чарада барлык укучылар, укытучылар катнашты. Бәйрәмне оештыручы  педагог - оештыручыбыз : Минигулова Л.М.га һәм 11 сыйныф укучыларына , аларның сыйныф җитәкчесе Ибрагимова Р.В. га һәм башка сыйныф җитәкчеләренә зур рәхмәтебезне белдерәбез.

                                                                                  Тәрбия эшләре буенча директор урынбасары Ахметова А.М.

    6 нчы октябрь көнне башлангыч сыйныф укучылары өчен юл йөрү кагыйдәләренә багышланган “Юл билгеләрен беләсеңме?” дигән темага балалар иртәсе булып узды. Максаты: юл билгеләрен искә төшерү, юл йөрү кагыйдәләрен үтәүгә омтылыш тәрбияләү.

3 октябрь көнне  мәктәптә үзидарә көне үткәрелде. 11 сыйныф укучылары мәктәптә дәресләр бирделәр. Бу көнгә әзерлек алдан ук башланды: укучылар арасыннан “дирекция составы”  сайланды, укучылар дәресләрне бүлештеләр, планнар төзеделәр.

   Бу көнне укытучыларны кабинет ишекләренә  “очып”  кунган сары яфракларда  бәйрәм белән котлау сүзләре каршылады.  Директор кабинетында  “ мәктәп директоры”  И.М. Ибрагимов һәм  аның “урынбасарлары”  Р.Р. Мусин, Г.М. Ибрагимова үткәргән киңәшмәдән соң “укытучылар”  дәресләргә таралыштылар.

   Соңыннан,  11 сыйныф укучылары үткән көн турында фикер алыштылар, уй-хисләре белән уртаклаштылар.

                                       Сыйныф җитәкчесе Р.В. Ибрагимова

Беренче октябрь көнне Өлкәннәр көне бәйрәме үтте. Чарага пенсионер укытучылар,хезмәт ветераннары һәм техтик эшчеләр чакырылды. Пенсионер укытучылар катнашында сыйныфларда тәрбия сәгатьләре үтте.Бәйрәмдә укучылар тарафыннан концерт куелды.

Ахметова А.М

   "Игелеклелек атнасы" кысаларында үткәрелгән чараларда 5 сыйныф укучылары актив катнашты. Гамәлдән чыккан материаллардан төрле уенчыклар ясап балалар бакчасында  тәрбияләнүче сабыйларга бүләк иттеләр. Алар белән кызыклы уеннар уйнадылар. 

                                                           Сыйныф җитәкчесе: Таһиров Р.А.

19 сентябрь көнне беренче гомуми ата-аналар җыелышы үтте. Җыелышның көн тәртибендә түбәндәгеләр каралды: 

1. Мәктәп директоры Л.М.Бикушева 2015-2016  уку елына  урта  сыйныф укучыларының Федераль Дәүләт укыту стандартының икенче буынына күчү белән бәйле мәсәләләр, яңа санитар норма таләпләре белән таныштырды. 

2. ЗДУВР, Р.В.Ярмухаметова. БДИ, Дәүләт Йомгаклау Аттестациясе нәтиҗәләре һәм 2015-2016 уку елына әзерләнүдә ата-аналар алдында торган бурычлар белән таныштырды. 

3. ЗДВР, А.М.Ахметова ., 2014-2015 уку  елында тәрбия өлкәсендәге уңышлар һәм проблемаларга нигезләнеп, агымдагы елга куелган планнар белән таныштырды. 

Алга куелган максатларны тормышка ашырырга, җыелышта сөйләгәннәрне тәрбия эшендә кулланма итеп алырга дигән карар кабул ителде.