14 ноябрь көнне  математика  атналыгы  кысаларында  7 сыйныфта “Бербуынны  дәрәҗәгә күтәрү”  дигән темага ачык дәрес үткәрелде. Дәреснең  тибы- яңа материалны өйрәнү. Укучылар  бербуннарны  тапкырлау, дәрәҗәне дәрәҗәгә күтәрү кагыйдәләренә нигезләнеп, яңа кагыйдәне ачтылар. Бу кагыйдә буенча эшләү алгоритмы төзелде. Китаплар буенча мисаллар эшләп кагыйдәне ныгыткач, укучылар үзлектән эшләп үзләрен сынап карадылар. Бер-берләренең эшләрен тикшереп, парларда фикер алыштылар. Һәр укучы дәрес барышында үзенең хезмәтен бәяләү битенә билгеләп барды. Дәрес ахырында укучылар үзләренең  фикерләре  белән уртаклаштылар, үз  эшләренә бәя бирделәр.

                                                                             Математика укытучысы Ибрагимова Р.В.

Физика-математика атналыгы кысаларында 8 нче һәм 9 сыйныфтан “лекторлар төркеме” башлангыч һәм урта сыйныф укучыларына күп кенә табигать күренешләренең ачылу тарихы, бөек физикларның тормыш сәхифәләре турында мавыктыргыч итеп сөйләп бирделәр.

Дәүләтшин И.И.

      13 ноябрь  көнне математика атналыгы кысаларында “Геометрик бал”  үткәрелде. Кичәдә 7-11 сыйныф укучылары катнашты.  Балга  “Өчпочмаклар” (8), “Векторлар” (9б), “Әйләнәләр”(9а) , “Белгечләр”(10) җыелдылар. . Алар  янына кунакка геометрия патшасы  “Планиметрия”, аның дуслары – “галимнәр”  килделәр.  Балда укучылар “галимнәр” нең сорауларына җавап бирделәр, кызыклы тәҗрибәләр  ясадылар, үзләренең  чыгышларын күрсәттеләр.  Биредә  укучылар геометрия  белән  бәйле  күп кызыклы   сорауларга җавап таптылар, уеннарда катнаштылар. Бу чарада төп геройлар образларын 11 сыйныф укучылары башкарды.

Сегодня сотрудники ЦЗН АМР РТ Венера Васильевна и  Владимир Викторович    провели профориентационную работу с учащимися 8-11 классов.

Физика-математика атналыгы кысаларында:
 8 сыйныфтан «белгечләр» төркеме башлангыч сыйныф укучыларына физикадан кызыклы тәҗрибәләр күрсәттеләр һәм тәҗрибә нәтиҗәләрен аңлатып та бирделәр.
 

Дәүләтшин И.И.

     11 ноябрь көнне башлангыч сыйныф укучылары арасында "Боз өстендә сак булам!"  дигән темага рәсем конкурсы булып узды.

         Математика, физика  атналыгы барышында 5 сыйныф укучылары “Математика - мәкальләрдә” дигән рәсем күргәзмәсе әзерләделәр. 3-4 сыйныф укучылары “Цифрлар парады”на  цифрларны төрле бизәлештә сүрәтләделәр. Югары сыйныф укучылары  төрле темаларга физик газеталар чыгардылар, викторина сораулары әзерләделәр. Атна дәвамында укучылар бу эшләр белән таныштылар, викторина сорауларына җавап бирделәр, математик  ребуслар  чиштеләр. Иң кызыклы  эшләр  белән  иптәшләре  белән  уртаклаштылар.

      10 нчы ноябрь көнне башлангыч сыйныф укучылары белән “Интернет челтәрендә куркынычсызлык” дигән темага балалар иртәсе булып узды. Укучылар белән килеп чыгарга мөмкин булган куркыныч ситуацияләр тикшерелде һәм нәтиҗәләр ясалды.

10-18 ноябрь көннәрендә мәктәптә физика-математика атналыгы үткәрү планлаштырылган иде. Атналык алдан төзелгән план буенча вакытында  башланды һәм уңышлы дәвам итә.

Илһам Дәүләтшин.

Укучыларның ялын дөрес итеп оештыру максатыннан ,көзге каникул  чорында мәктәп яны сәламәтләндерү лагере оештырылды. "КӨЗ" дип исемләнгән лагерьда бик күп төрле  чаралар, түгәрәкләр ,спорт уеннары,шашка ярышлары үтте. Укучылар бик теләп һәм актив канаштылар.

Лагерь җитәкчесе: Тагиров Р.Ә.