1 июнь – Халыкара балаларны яклау көне белән җәйге лагерьның беренче көнен башлап җибәрдек.  Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк.

Бүген,  9-11 нче сыйныф укучылары өчен соңгы кыңгырау чыңы яңгырады.Тантанада чыгарылыш сыйныфлар өчен бик күп җылы сүзләр һәм теләкләр яңгырады. Укучылар да үз чиратларында яраткан укытучы-остазларына һәм әти-әниләренә рәхмәт сүзләрен белдерде.

  Без барлык чыгарылыш сыйныф укучыларының да дәүләт имтиханнарын иң югары балларга тапшырып, үзләре сайлаган уку йортлары студентлары булуларын телибез. Алган белемнәрегез сезне һәрчак алга әйдәп торсын. Ак юллар сезгә укучылар!

Районыбызда ислам диненең 1100 еллыгына багышланып көрәш ярышы булып үтте. 5 районнан килгән батырлар арасында үз авырлыклары белән көрәшеп безнең укучыларыбыз алдынгы батырлар булып калдылар. 

Бөек җиңүнең 77 еллыгына багышланган митингта укучыларыбыз катнашты. Бәйрәм концертыннан соң үлемсез полк үткәрелде.

Бүген Чистай шәһәрендә үткәрелгән көрәш ярышларыннан безнең көрәшчеләребез җиңүләр белән кайттылар. 3 нче сыйныф укучысы Замалетдинов Зөлфәт -1 нче урын, 8 нче сыйныф укучысы Галимов Рияз - 2 нче урын, 10 нчы сыйныф укучысы Камалов Илдус -1 нче урынны яулады. Молодцы егетләр!

2 нче май мәчетебездә Рамазан гаете бәйрәме үткәрелде. Безнең укучыларыбыз да бу бәйрәмдә актив катнаштылар. Төрле кул эшләре, рәсемнәр, шамаилләр ясап бүләкләр алдылар. Бәйрәм концертыннан соң мул табын артында сыйланып таралдылар.

29 нчы апрель көнне Әлки районыннан безнең көрәшче егетләребез җиңүләр белән кайттылар.Турнирда 200гә якын көрәшче катнашкан. Үз авырлык категорияләрендә безнең 10 сыйныф укучысы Камалов Илдус  – беренче, Замалетдинов Зөлфәт өченче урынны яулады. Әфәрин егетләр!

Башлангыч сыйныф укучылары арасында Габдулла Тукайның туган көненә багышлап,  "Тукай безнең күллердә" дип аталган уен квест үткәрелде. Укучылар бу уен квеста бик теләп катнаштылар , җиңүчеләргә татлы бүләкләр тапшырылды.

Район китапханәчеләре югары сыйныф укучылары өчен патриотик темага уен үткәрделәр . Уен дүрт этапта узды, анда катнашучылар үзләренең белемнәрен тикшереп, тарихи күзаллауларын киңәйттеләр. Һәр катнашучыга истәлекле бүләкләр тапшырылды.

Бишенче сыйныф укучысы Гафиятуллин Фаил Чистай шәһәрендә үткән шахмат турнирыннан янә җиңүләр белән кайтты.