"Үлемсез автополк" акциясе

Бүген укучыларыбыз Иске Татар Адәм суы һәм Яңа Адәм суы авылларында "Җиңү көненә" багышланган бәйрәм концерты күрсәтеп кайттылар. Тамашачы һәр чыгышны кайнар алкышларга күмде. Ахырдан артистларларга рәхмәт сүзләре әйтелде.

Мәктәбебез "Җиңү тәрәзәләре" акциясенә кушылды. Укучылар үз сыйныф тәрәзәләрен мәңгелек ут, йолдызлар, георгий тасмалары, шарлар белән бизәделәр.

"Җиңү бакчасы" акциясе бөтен Рәссия буенча киң колач алды. Мәктәбебез дә әлеге акциягә теләп кушылды. 11нче сыйныф укучылары алмагач үсентеләре утырттылар. Бу агачлар фронтта башын салган каhарманнарны безгә хәтерләтеп торсыннар.

Түбән Майна укучыларының чираттагы сәяхәте Мәскәү шәһәренә иде. Гадәткә кергән "дөнъя күрүләр" безнең Казан шәһәрендә "Мин татарча сөйләшәм" чарасыннан башланды.Ә Мәскәүгә иртән килеп җитеп, гид ярдәмендә шәһәрне күзәтеп чыктык. Барлык истәлекле урыннарны карап, укучыларыбызның күзаллавын арттырып , әллә никадәр мәгълүмат тупларга мөмкинлек бирә алуыбызга сөнеп кайттык.

20 нче апрель көнне Аксубай районының 2нче номерлы мәктәбе территориясендә "Куркынычсыз тәгәрмәч" республика конкурсының район этабы үтте. Районның 14 мәктәбеннән килган ЮИД отрядлары көч сынашты. Конкурс берничә этаптан торды. Алдан укучылар велосипедларда төрле сынаулар аша маршрут узды. Аннан юл йөрү кагыйдәләрен белүгә, беренче медицина ярдәме күрсәтү, велосипед төзелешен белүгэ сынаулар үттеләр. Нәтиҗәдә, Закирова Ләйсән "ПДД белгече" номинациясендә 2нче урын, отряд җитәкчесе Руфия Гафиятуллина "Иң яхшы ЮИД отряды җитәкчесе" номинациясендэ 3 урын яулады.

Экологик гает 23.04.2023.
Динебездә чисталык хуплана. " Пакълык булмаган җирдә дин юк" дигән хәдисне истә тотып, мәктәп хезмәткәрләре,укучылар Чирмешән тирәсен һәм әрәмәлекне җыярга чыктык. Эшләгән урыннарыбызда тәртип калдырганнан соң, гает хөрмәтенә пешкән шашлык ашадык. Ахырдан укучыларга гает бүләкләре таратылды.

Официальный сайт школы в ВК

https://vk.com/public216715915

22 нче апрель көнне авылдашыбыз Хайруллин Мансур укучыларыбызга 3D моделирование буенча мавыктыргыч мастер класс үткәрде. Бер генә һөнәрне яхшы үзләштерер өчен дә мәктәптәге барлык фәннәрне ныклап үзләштерергә кирәклеген әйтте.