Габдулла Тукайның татар халкы өчен роле әйтеп бетергесез. Инде менә ничә буын аның әкият-шигырьләрендә тәрбияләнә .Киләчәк буынны тәрбияләү- безнең кулларда, шуңа күрә дә Тукайның бөеклеген, аның уй-фикерләрен, зур тәрбияви әһәмияткә ия әсәрләрен без балаларга җиткерергә тиеш.  Шуны күздә тотып , 26 нчы апрель  көнне 1 нче мәктәптә  Г.Тукайның тууына 135 елга багышланган “Кузгатмакчы булсаң халык күңелләрен” исемле кичә үткәрелде.

 Кичә барышында балалар бөек шагыйребезнең тормыш юлы турында кыскача мәгълүмат алдылар, шагыйрьнең әкиятләре һәм шигырьләрен сөйләделәр, «Бала белән күбәләк», «Кызыклы шәкерт», “Фатыйма белән Сандугач”, “Эш беткәч уйнарга ярый”  шигырьләрен сәхнәләштерделәр.

 Кичә  татар халкының гимны булып танылган “Туган тел” җыры белән тәмамланды.