Укучыларның экологик компетенциясен формалаштыруда «Үсеш ноктасы» мәгариф үзәгенең санлы кораллары

Зәй шәһәренең 5 нче мәктәп базасында «Заманча мәктәп» федераль проектының «Мәгариф» милли проектын гамәлгә ашыру кысаларында «Үсеш ноктасы» табигый – фәнни профильле мәгариф үзәге эшләвен дәвам итә. Химия һәм биология дәресләрендә, шулай ук дәрестән тыш вакытта заманча лаборатория җиһазлары: микроскоплар, микропрепаратлар, гербарийлар, коллекцияләр, дымлы препаратлар актив кулланыла. "Микроскоп астында дөнья" түгәрәгендә 6 сыйныф укучылары яктылык микроскопы җайланмасын, аның белән эшләү кагыйдәләрен һәм аның мөмкинлекләрен өйрәнделәр. Хәзер цифрлы микроскоп куллану күнекмәләрен өйрәнәләр, тикшеренү эшләрен башкаралар, үз проектларын тормышка ашыралар. «Микроскоп ярдәмендә серле, мавыктыргыч дөньяга чумып була, анда сез күп яңа һәм кызыклы нәрсәләр белә аласыз. Микроскоп астында организмнарны җентекләп карап, үсемлек һәм хайван күзәнәгенең тышкы кыяфәтен һәм эчке төзелешен чагыштырырга һәм нәтиҗә ясарга мөмкин», - дип үз тәэсирләре белән уртаклаша 9 нчы сыйныф укучылары.«Үсеш ноктасы» үзәге эшли башлагач, мәктәп урманчылыгы эше дә җанланды. Балалар Татарстан мәктәп урманчылыкларының V слетында катнаштылар, «ЭКО стилендә тормыш» ачык республика конференциясендә 1 урынны яуладылар, күп кенә экологик конкурсларда һәм тикшеренү конференцияләрендә катнаштылар.