Тикшерү вакытында норматив актлар, барлык документлар карала. Хезмәткәрләрнең медицина тикшерүе узуы, тиешле белемнәре булуы,  флюорографияне вакытында үтүләре һ.б.лар игътибардан читтә калмый. Бакча биләмәсеннән кала, иң җентекләп тикшерелгән урын ул, һичшиксез,   группалар, аш әзерләү бүлмәсе һәм складлар. Белгечләрне продуктларның сыйфат сертификатлары булу,  бүлмәләрдәге чисталык, азык-төлекне саклау срокларын үтәү дә кызыксындырды. Шулай ук бракераж журналы тикшерелә - бакча мөдире һәм педагоглар ризыкларның сыйфатын контрольдә тотарга тиеш.«Алтынчәч» бакчасы коллективы белән  Ринат Насыйбуллин үзе очрашып, тикшерү үткәрде. Ул хезмәткәрләрнең СанПин кагыйдәләрен белүләрен тикшерде, барлык санитар таләпләрне үтәү буенча күрсәтмәләр бирде. 

- Тикшерү вакытында санэпидхезмәт хезмәткәрләре тарафыннан тиешле документация һәм барлык санитар нормаларның һәм күрсәтмәләрнең үтәлеше тикшерелә. Мондый тикшерүләрнең нәтиҗәләре турында документ безнең хезмәт һәм мәгариф учреждениеләренең сайтларында  урнаштырыла. Алар белән әти-әниләр таныша ала, - ди Ринат Миңнуллович. 

Барлык күзәтчелек органнары тикшерүләре планы белән  Россия Прокуратурасы сайтында танышырга мөмкин.