Бүген «Энергетик» мәдәният йортында Зәй муниципаль районы мәктәпләреннән 250 укучы өчен муниципаль район башлыгының Чыршы бәйрәме узды. Зәй муниципаль районының 30 талантлы һәм сәләтле бала «Уңыш буыны», «Фәндә беренче адымнар», «Талант һәм иҗат»номинацияләрендәге «Безнең өмет» гранты белән бүләкләнде. Зәй муниципаль районы башлыгы Разиф Гали улы Кәримов барлык укучыларны якынлашып килүче Яңа ел бәйрәме белән котлады, сәламәтлек, укуда, спортта, иҗатта уңышлар, яңа үрләр яулауларын теләде. Бәйрәмдә «Мирас», «Азаль», «Легенда», «Бәхет» иҗат коллективлары үзләренең онытылмас номерларын бүләк итте. Муниципаль чыршы кысаларында Яңа ел бүләкләрен 500 укучы алачак.

Зәй районының 7464 баласы Яңа ел бәйрәмнәрендә, балалар бакчаларында һәм мәктәпләр бәйрәм чараларында Кыш бабайдан Яңа ел бүләкләре алачак.