Мәктәп укучыларының «Тукай укулары» XI төбәк фәнни-гамәли конференциясе Бүген Зәйнең 6 нчы мәктәбендә мәктәп укучыларының «Тукай укулары» дигән XI төбәк фәнни-гамәли конференциясе узды. Конференциянең максаты: укучыларның интеллектуаль һәм сәнгать иҗатын үстерүгә ярдәм итү, аларны тикшеренү һәм иҗат эшчәнлегенә җәлеп итү. Конференция кысаларында «Экология һәм биология», «Фәнгә беренче адымнар», «Туган якны өйрәнү», «Филология.Татар теле.Татар әдәбияты» секцияләре эшләде. Татарстан Республикасының 12 районыннан 90 укучы катнашты. Укучыларның эшләрен компетентлы жюри бәяләде: КФУның Яр Чаллы институты, Чаллы филиалы «ТИСБИ көллияте», «Яр Чаллы технология техникумы» ДАҺБУ, «Зәй политехника көллияте» ДАҺБУ, Зәй муниципаль районы мәгариф идарәсе методистлары, Яр Чаллы һәм Түбән Кама шәһәренең балалар экология-биология үзәкләре, Зәһ муниципаль бюджет мәгариф учреждениесе методистлары, 56 нчы мәктәп укытучылары. Зәй ГРЭСы филиалы әйләнә-тирә мохитне саклау лабораториясе инженеры, «Зәй туган якны өйрәнү музее» муниципаль бюджет мәдәният учреждениесе, «ТАТМЕДИА» АҖ филиалы «Яңа Зәй» һәм «Зәй офыклары» газеталары хезмәткәрләре катнашты.

Конференция кысаларында шулай ук педагоглар өчен «Федераль дәүләт белем бирү стандартларын гамәлгә ашыру кысаларында сәләтле балалар белән эшләү формалары» темасына түгәрәк өстәл узды.

Конференция ачылышында Зәй муниципаль районы мәгариф идарәсе мәгълүмати һәм укыту-методик тәэмин итү бүлеге башлыгы М.К. Вәлиәхмәтова конференциядә катнашучыларны сәламләде һәм нәтиҗәле эш теләде.