Татарстан Республикасы "КЭС-БАСКЕТ" мәктәп баскетбол лигасы чемпионаты финалы. 2021 елның 16-18 апрелендә Зәй муниципаль районында Татарстан Республикасының "КЭС-БАСКЕТ" мәктәп баскетбол лигасы чемпионаты финалы уза.Финалда Татарстан Республикасы гомуми белем бирү оешмаларының 16 командасы катнаша. Зәй, Әлмәт, Яшел Үзән, Кукмара, Спас муниципаль районнарыннан, Казан шәһәреннән, Яр Чаллы шәһәреннән егетләр командалары, Зәй, Арча, Кайбыч, Лениногорск, Ютазы, Түбән Кама районнарыннан, Яр Чаллы һәм Казан шәһәрләреннән кызлар командалары катнаша. Барлыгы 212 кеше.Чемпионатның тантаналы ачылышында Зәй муниципаль районы Башкарма комитеты җитәкчесе Эмиль Эдуардович Галиев, мәгариф һәм фән министрлыгы балаларга өстәмә белем бирү бүлек җитәкчесе Лилия Наилевна Яруллина, мәгариф һәм фән министрлыгының мәктәптән тыш эшләр секторы мөдире Лариса Гайсеевна Габитова, Зәй муниципаль мәгариф идарәсе начальник урынбасары Исакова Әлфирә Габдельбәр кызы, спорт идарәсе начальнигы Ашрапов Илфат Зиннур улы катнашты.

«КЭС-БАСКЕТ» мәктәп баскетбол лигасы 2007 елда Пермь шәһәрендә «Т Плюс» төркеме ярдәмендә оештырылган иде, аның төп максаты-балаларны мөмкин кадәр күбрәк спортка һәм сәламәт яшәү рәвешенә тарту, баскетболны чын-чынлап массакүләм һәм һәркем өчен ачык итү. Край проекты буларак уйланылган «КЭС-БАСКЕТ» чемпионаты хәзер үк Россия Федерациясенең бөтен территориясендә иң масштаблы социаль спорт проекты булып тора. Россиянең 69 регионыннан 18 447 мәктәп командасы илнең иң көчле коллективларын ачыклый. 2020-2021 еллар сезонында проектта Россиянең 65 регионыннан мәктәп укучыларының җыелма командалары катнаша. Мәктәп укучылары баскетболның югары дәрәҗәдә булуын һәм җиңү теләге зур булуын күрсәтә.18 нче апрель көнне Зәй шәһәренең 7 нче урта гомуми белем мәктәбе базасында тантаналы ябылу чарасы һәм чемпионатта җиңүчеләрне игълан итү узачак. Командаларга уңышлар телибез!