Зәй шәһәренең 6 нчы урта гомуми белем мәктәбендә 23 нче апрель көнне инде 10нчы тапкыр уңышлы гына региональ “Тукай укулары” укучылар фәнни-гамәли конференциясе узды. Беренче елларны бу чара шәһәр күләмендә генә үткәрелсә, соңгы 6 елда  региондагы берничә шәһәр, район мәктәпләре катнашында уздырыла.  Ел саен конференция Габдулла Тукайның туган көне алдыннан үткәрелә. Шунысы куанычлы:  бу бәйгенең дуслары арта бара, катнашучылар саны да, географиясе дә шатландыра.

 Елдан-ел конференциянең чикләре киңәя: быел Конференциягә Татарстанның 11 районыннан 289 гариза кабул ителде, шулар арасыннан 162 укучының эше 2 нче турга сайлап алынды.  Конференция 11 юнәлештә оештырылды.  “Тукай укулары” фәнни-гамәли конференциясен үткәрүдә, студентлары зур булышлык күрсәтә.

         Фәнни-гамәли “Тукай укулары” укучылар конференциясендә компетентлы жюри әгъзалары арасында Казан Федераль университетының, Алабуга, Яр Чаллы филиалы укытучылары, нефтехим, медицина, педагогик коллияте  мөгаллимнәре,  Кашапова  Рәзимә Фаттах кызы -  «Татмедиа» АҖ Филиалы «Зәй ТВ» Телерадиокомпаниясе”нең “Зәй офыклары” журналисты, Илалтдинова Роза Хамзовна - «Татмедиа» «Новый Зай»   АҖ филиалы директоры - баш редакторы.     Алар укучыларның чыгышларын тыңладылар, сораулар бирделәр, балаларның эшләре белән таныштылар, җиңүчеләрне һәм призерларны ачыкладылар.