Зәй муниципаль  районында  2019 нчы ел - мәдәният  елы дип игълан ителде. Бүген (19нчы апрельдә) “Энергетик” Мәдәният сараенда "Мировые маршруты культуры" дип  исемләнгән мәдәни  чараны  татар гимназиясе коллективы  районыбыз укучылары игътибарына тәкъдим итте. Чара Татарстан язучылары һәм шагыйрьләре иҗатына һәм тормышына багышланган иде. Бәйрәмдә  гимназия укучылары башкаруында бөек шагыйребез Г.Тукайның, Зәйдә  туып үскән  күренекле шагыйрьләребез  М.Әгъләмовның,  язучы - прозаик, драматург Р.Батулланың, М.Талиповның  шигырьләре яңгырады. Шулай ук  бөек рус шагыйре А.С.Пушкинның, язучы Л.Толстойның,  фаҗигале язмышлы шагыйрә М.Цветаеваның  Казан шәһәре  белән бәйле  гомер дәверенә  багышланган кызыклы фактлар турында әйтелде, видеофильм күрсәтелде. Мәдәният елы планы  кысаларында әдәби чаралар ай саен узачак.