Бүген, 22 март көнне,шәһәребезнең 6нчы урта гомуми белем  мәктәбендә  Ш. Маннур, Ф. Хөсни, М.Җәлил, Г.Тукай премияләре лауреаты, Татарстан  Республикасының атказанган сәнгать эшлеклесе, Татарстан Республикасының халык язучысы Нәбирә Гыйматдинова белән очрашу булды. Очрашуга җәмәгать оешмалары, массакүләм мәгълүмат чаралары белән эшләү һәм милләтара мөнәсәбәтләр бүлеге башлыгы Бертман И.Н., Баш белгеч Хисмәтуллина А. М., мәгариф идарәсенең милли эшләр буенча урынбасары Хәбибуллина Г.Җ.,шәһәребез  һәм районыбыз мәктәпләренең татар теле һәм әдәбияты укытучылары, әдәбият сөюче укучылар, китапханәчеләр, журналистлар  килде.Яраткан язучыбыз белән очрашу бик җылы, җанлы, кызыклы һәм мавыктыргыч узды.