Олимпиадалар эстафетасын инглиз теле алды. Мәктәптә чит телне яратучылар күп икән. Укучылар тест эшләделәр, аудиотекстлар тыңлап, шуның буенча бирем үтәделәр. 

                             Яшәгез сез мәңге яшь булып,

                             Туган йортыгызда ямь булып.

                             Сез булсагыз таза-сәламәт,

                             Оныкларга булыр бик рәхәт!

Бүген укучылар, укытучылар кадерле өлкәннәребезне хөрмәтләделәр. Аларга шигырьләр сөйләделәр, җырлар башкардылар,  җылы теләкләр әйттеләр. Бәйрәм чәй өстәле янында дәвам итте.  

Бүген укучыларыбыз хокук фәне буенча үз көчләрен сынадылар.  

27 нче сентябрь көнне Зәйдә "Милләтләр кроссы - 2017" булып узды. Безнең мәктәбебездән укучылар катнашып, уңышлы чыгыш ясадылар. Афәрин, спортны яратучыларыбыз!

Бүген мәктәптә экономика (икътисад) буенча олимпиада бара. Укучылар үзләренең белемнәрен төрле өлкә буенча сыныйлар. Уңышлар, укучылар!

Бүген 11 нче класс укучылары рус теле буенча ЕГЭ га әзерлекләрен тикшереп карадылар. Алар 4 төрле вариантта эш башкардылар. 

Мәктәп туры олимпиадалары башланды. Бүген тарих фәне буенча  5-11 класс укучылары үзләренең белемнәрен сыный. Укучыларга уңышлар телибез!

Җәйге каникул вакытында 11 класс укучысы Исламов Дилүс  Зәйдән ДДТ командасы составында IV республикакүләм яшь геологларның ачык кыр олимпиадасында катнашты. Олимпиадада  38 команда үзара көч сынашкан. Районыбыз командасы - 17 нче урында. Командалар арасында Кырым, Казахстан һәм башка ерак илләрдән катнашучылар, ягъни командалар чыгыш ясаган. Афәрин, Дилүс!

Мәктәп территориясендә укучылар  көзге эшләр башкардылар: бакча чистарттылар, чөгендер, кишер алдылар, түтәлләр казыдылар, коелган яфраклар җыйдылар.

Проект эше укучыларның иҗади сәләтен ачарга ярдәм итә. Шул уңайдан "Фонтан" иҗади проектына бүген нигез салынды. Укытучылар һәм югары класс укучылары бу эшне башлап җибәрделәр.