Мәктәп бакчасында көзге эшләр гөрли. Кайсылары чәчәклекне тәртипкә китерә, орлыклар җыя. Икенчеләре кишер, чөгендер ала, чүп җыя. Җирне язгы көннәргә яхшы итеп әзерлик.

Бүген Сарсаз Баграж авылында шашка-шахмат ярышы булып узды. Безнең мәктәп командасы - 2 урында. Афәрин, укучыларыбыз!

Башлангыч класс укытучылары укучылар һәм аларның әти-әниләре өчен "Безопасный интернет" исеме астында презентация күрсәттеләр. Әлеге чара балаларны интернетта булган кирәкмәгән мәгълүматлардан сак булырга, билгеле бер вакыт кысаларында гына интернетта утырырга кирәклеген ассызыкладылар. Компьютерда утыруның сәламәтлек өчен дә файдалы булмавын тагын бер кат исбатладылар.

Укытучылар көненә барлык класс укучылары да стенгазета ясадылар. Һәр классның да газета ясауга үз фантазиясе һәм идеясе бар.  Монда котлаулар, шигырьләр һәм төрле чәчәк бәйләмнәре урын алган. Бәйрәм белән, укытучылар!

Бүген 5 класс укучылары рус теленнән мониторинг эшләделәр.

Зәйдә Укытучылар көне бәйрәме уңаеннан төрле конкурслрда катнашып, яхшы нәтиҗәләр күрсәткән укытучыларны бүләкләү тантанасы булды. "Класс җитәкчесе" конкурсында район буенча  2 нче урын алган Гүзәлия Рамилевнаны чын күңелебездән котлыйбыз! Тагын да яңа үрләр яуларга насыйп булсын! Афәрин, Гүзәлия Рамилевна!!!

Укучыларның сәламәтлеге  өчен суда йөзүнең файдасы зур. Бу уку елында райондагы бассейнга мәктәбебездән 8 класс укучылары йөриячәк. Балаларга, бассейнда йөзү өчен, районга барып, табибларга күренергә һәм төрле анализлар бирергә кирәк. Шул уңайдан авылыбыз фельдшеры Фаретдинова А.Н. укучыларга аңлату эшләре алып бара.

Ай буена мәктәптә "Без экстремизмга каршы" исеме астында чаралар дәвам итте, рәсемнәр ясалды

Мәктәп линейкасында районда уздырылган "Милләтләр кроссында" 3 урын алган укучыларны котладылар.

Бүген 11 класс укучылары тарих фәне буенча сынаулык имтихан тапшырдылар.