Бүген 4,6,8 нче класс укучылары инглиз теленнән тест эшләделәр. Аларга 45 минут эчендә 20 тест соравына җавап бирергә кирәк иде.

"Дети России" дип исемләнгән зур  чарада катнашудан  мәктәп читтә калмады. Класс җитәкчеләре укучыларга "Наркомания - зур афәт"  дип исемләнгән презентацияләр күрсәттеләр. Укучылар анкеталар тутырдылар.

Мәктәптә әти-әниләр җыелышы 1 чирек нәтиҗәләренә, яңа укыту планын таныштыруга һәм "Россия балалары" (наркоманиягә каршы көрәш) дигән чарага багышланды. Яңа укыту планы белән уку-укыту эшләре буенча директор урынбасары Цыганова Э.Г. таныштырды. "Наркомания - зур афәт" дигән доклад белән рус теле укытучысы Цыганова О.А. чыгыш ясады. Әлеге тема буенча презентация күрсәтелде. Җыелыш классларда аерым сөйләшү буларак дәвам итте.

Коррупциягә каршы мәктәп укучылары язма эшләр башкарып, рәсемнәр ясап көрәшә. Укучыларыбыз,  муниципаль турда катнашып, зур җиңүләр яуладылар. 11 класс укучысы Хузина Л. эссе-сочинение буенча - 1 урын (җитәкче - Аюпова А.Ф.), 10 класс укучысы Мингазов И. сочинение буенча - 2 урын (җитәкче - Миннегалиева З.Р.) алдылар, 3 класс укучысы Боярова А. (Җитәкче - Нигматуллина Д.Р), 4 класс укучысы Бормотина К. (җитәкче - Султанова Л.М.), 7 класс укучысы Васильев А. (җитәкче - Суханаева Г.Н.)  рәсем-плакат буенча лауреат исеменә лаек булдылар. Укучыларга һәм аларны әзерләгән укытучыларга зур рәхмәт белдерәбез!

27 октябрь көнне ТР спорт мастеры Гадершин И.Н. ның 50 яшенә багышланган көрәштә мәктәп командасы беренче урын яулады. Афәрин!

Каникул вакытында районда егетләребез һәм кызларыбыз беренче һәм өченче урыннар яуладылар. Мәктәп күләмендә котлаулар булды.

Балалар каникулларын кызыклы үткәрәләр. Бүген укучыларыбыз район  мәдәният сараеның спорт залында  теннис  буенча мастер класс күрсәттеләр. 

Бүген 4 класс укучылары рус теленнән ВПР га әзерләнделәр 

 8 класс укучылары физкультура укытучысы Мухаметшин Ә.Х. белән район үзәгендәге бассейнга бардылар. Балаларның сүзе буенча, бассейнда йөзү аларга бик ошаган. Су - сәламәтлек чыганагы икәнен онытмыйк!

Бүген бездә спортзал тавыштан тагын да ныграк гөжләп торды. 7  мәктәп уенчылары арасында кызу уеннар барды.  Егетләр  командасы җидәү, ә кызларныкы - бишәү. Яшь баскетболистларыбыз тырышты. Ниһаять, ярыш азагына якынлашты. Афәрин, егет-кызларыбыз! Без - беренчедә! Алга таба уңышлар сезгә!