Патриотик тәрбия айлыгы кысаларында студент кызлар һәм 7-9 класс кызлары арасында волейбол ярышы узды. Ура, мәктәп кызлары сынатмады - җиңделәр!
 

28 гыйнвар-5 февраль аралыгында мәктәптә рус теле атналыгы узды Атналык рус телендә театр тамашасы белән башланып китте. Сишәмбе көнне русча шигырь сөйләүчеләр генә мәктәпкә керә алдылар (ярый әле барысы да беләләр икән). Аннан һәр көнне нинди дә булса кызыклы чаралар оештырылды: брейн-ринг, конкурслар, дәрес-сәяхәтләр һ.б. Атналык бик кызыклы үтте.

Мәктәбебездә төрле уку йортларында белем алучы студентлар кунакта булды. Түгәрәк өстәл артында 7-9 сыйныф укучылары студент апа-абыйларына үзләрен кызыксындырган сорауларны бирделәр. 3 сәгатькә сузылган очрашу сизелмичә дә үтеп китте.

Мәктәбебездә патриотик тәрбия айлыгы башланды. Көн дә дәресләрдән сод бер чара уза: волейбол-баскетбол ярышлары, чаңгы ярышлары, әңгәмәләр. Нәтиҗәләр ай ахырында ясалачак.

Мәктәп укучылары мәдәният йорты хезмәткәрләре җитәкчелегендә "Йолдызлык" фестивалендә чыгыш ясадылар һәм татар халык биюен башкарып, 2 нче урын яуладылар. Алда - конкурсның 2 нче туры көтә. Уңышлар сезгә!

Урта класслар өчен күңелле генә Яңа ел корпоративы узды. Кунакка Яңа татар әбиләре, Гавай Кыш бабае һәм Кар кызы килгәннәр иде. Укучылар табын артында Яңа ел тамашасы карадылар.

Башлангыч сыйныф укучылары 28 декабрь көнне Яңа ел бәйрәмен үткәрделәр. Алар елка тирәли җырладылар, шигырьләр сөйләделәр, биеделәр, төрле әкият персонажлары белән очраштылар.

24 нче ноябрьдә Мулла Иле мәдәният йортында Мулла Иле мәктәбе укучылары катнашында әниләргә багышланган концерт узды. Укучылар әниләренә шигырьләр, җырлар, биюләр бүләк иттеләр. Мәдәният йорты хезмәткәрләренә зур рәхмәтебезне белдерәбез.

Шушы атнада 9 нчы сыйныфта төрле фәннәрдән сынап карау имтиханнары башланды. Беренче тапкыр укучылар бланк тутырырга, имтихан эшләрен башкарырга өйрәнделәр. Чын экзаменннарда аларга зур уңышлар, югары баллар телибез!

18 ноябрьдә укучылар Казан шәһәренә, дөресрәге, Г.Камал театрына бардылар. "Бәби" спектакле балаларга бик ошады.