Бу атна эчендә һәр сыйныфта боз өстендә үзеңне тоту буенча инструктажлар үткәрелде. Перотехник чараларны кулланырга ярамаганлыгы искә төшерелде. Мәктәпкә килгәндә һәм кайтканда үз-үзеңне тоту кагыйдәләре буенча сөйләшү гомуммәктәп күләмендә узды. Укучылар тагын бер тапкыр полиция вәкилләәре белән аралашты, кызыксындырган сорауларын бирделәр.

Мәктәптә коррупциягә каршы көрәш буенча төрле чаралар үтте. Стенд чыгарылды. 9 нчы сыйныф укучысы Насыйбуллина Сиринә муниципаль сочинениеләр конкурсында 2 нче урын яулады. Афәрин, Сиринә!

Мәдәният йортында балалар Әниләр бәйрәме уңаеннан зур концерт куйдылар. Мәдәният хезмәткәрләре тарафыннан оештырылган бу концерт һәм "Сак-Сок" спектакле бик матур куелды.

Бүген мәктәбебезгә барлык укучыларның да әниләре килде. Алар өчен бәйрәм концерты күрсәтелде, Соңыннан һәр сыйныфта ата-аналар җыелышы үтте.

Әниләр көне уңаеннан мәктәбебездә "Адымнар" газетасының яңа саны чыкты. Укучылар үзләренең матур хикәяләрен, шигырьләрен, рәсемнәрен, теләкләрен газета аша үз кадерлеләренә - әниләре, әбиләре, апаларына җиткерделәр.

Мәктәпкә җен-пәриләр "кунакка килде". Алар һәр класс саен кереп, инглиз телендә җырлар җырладылар, шигырьләр сөйләделәр. укучылар да кунакларны буш кул белән җибәрмәделәр: конфет-печеньелар белән сыйладылар.

6-9 сыйныфлар үткәргән Көз бәйрәме мул табыннар артында үтте. Укучылар көлкеле скетчларда көч сынаштылар, бик күп уеннарда артистлык сәләтләрен күрсәттеләр. Бәйрәм бик күңелле узды.

Авылыбызның мөхтәрәм кешесе, шагыйре, аксакалы, озак еллар буе мәктәп директоры булып эшләгән Равил абый Сәйфетдиновка бүген 75 яшь тулды.  Укучылар һәм укытучылар аны туган көне белән тәбрикләделәр. Равил ага үзенең матур киңәшләрен җиткерде, шигырьләрен укыды.

Бүген - укытучылар көне! Кадерле укытучыларыбыз, сезне зур бәйрәмегез белән котлыйбыз. Алдагы тормышыгызда иминлек, сәламәтлек, сабырлык, эшегездә уңышлар телибез!

Укучылар иртән үк укытучыларны котлап каршы алдылар, медальләр тактылар. Аннан укытучылар өчен бәйрәм телетапшыруы "күрсәтелде".

Чебешләрне көз көне саныйлар, дигән мәкаль бар татар халкында. Җәй көне үстергән яшелчәләр бик мулдан булды быел. Кыш көне рәхәтләнеп витаминлы ризыклар ашарга була.