Республикада агачлар утырту акциясендә безнең мәктәп укучылары да актив катнашты. Балалар тарафыннан кырыктан артык җиләк-җимеш агачлары утыртылды.

Мәктәп укучылары авылыбызның төрле оешмаларына да һәрдаим булышып торалар. Бу көнне авылыбызның яңа мәчетендәге бакчага агачлар утыртуда да актив катнашты безнең балалар.

Мәктәп территориясендә дәресләрдән соң өмәләр гөрләп тора.

Сентябрь да килеп җитте –

Сагынып көткән көннәр.

Бәйрәмгә дип үстердем мин

Өй тирәбездә гөлләр.

Мәктәпкә ашыктык без,

Тотып чәчәк бәйләмен.

Чыңлый кыңгырау моңнары

Котлап Белем бәйрәмен.

Ямьле җәйләр үтеп, сентябрь ае да җитте. Алда - укулар. Барыгызны да бәйрәм белән тәбрик итәбез, дуслар!

Белем бәйрәменнән соң ук дәресләр башланды. Беренче дәрес Россия Федерациясе Конституциясе кабул ителүгә 20 ел тулуга багышланды.

Татарстанда старт алган "Үзең укыган мәктәпкә ярдәм ит!" кысаларында узган акциядә авылыбыз мәктәбен тәмамлаган Хәлилов Марат Ринат улы да актив катнашты. Ул мәктәпкә ремонт өчен буяулар бүләк итте.

Җәйге каникуллар башлануга карамастан, укучылар мәктәп бакчасында яшелчәләр үстерәләр.

6 нчы сыйныф укучылары Казан шәһәренә экскурсиягә бардылар. Казан Кремле, музейлары белән таныштылар.

Мәктәбебездә чыгарылыш укучылары өчен соңгы тапкыр кыңгырау чыңлады бүген. 9 нчы сыйныф укучылары яраткан укытучылары, мәктәбе белән саубуллаштылар.

Өмәләр дәвам итә. Укучылар тирә-юньнәрне чистарталар, мәктәп бакчасында яшелчәләр утырталар.