9 май... Бу көнне бөтен ил халкы Җиңү көнен бәйрәм итә. Сугышта һәлак булганнарны искә төшерә, исәннәрне зурлый, хатирәләрне яңарта. Һәйкәл янында ел саен мәктәп укучылары хөрмәтле ветераннарыбызны котлый.

Ямьле апрель аенда халкыбызның бөек шагыйре Габдулла Тукай дөньяга килгән. Милләтебез ел саен аның туган көнен зурлап билгеләп үтә. Быел укучыларыбыз шагыйрь туган көне уңаеннан алдан игълан ителгән театр бәйгесендә бик теләп катнаштылар. Габдулла Тукай әсәрләрен сәхнәләштерделәр.

Апрель ае җитте. Кояш елмая, җир карлардан арчылды, ләкин аның белән бергә кыш көне ташланган чүпләр дә күренә башлады. Укучылар бердәм рәвештә өмәгә чыктылар. Күп кенә эшләр эшләнде, әмма эшлиселәре дә шактый әле. Урамның чисталыгы үзебез өчен, дуслар, өмәләрдә актив катнашыгыз!

Мәктәптә бераз гына алданрак булса да, 5-7 сыйныфлар өчен Парламент дәресе үткәрелде. Укучылар тагын бер тапкыр дәүләт символлары турында сөйләштеләр, Ике дәүләт гимнын да яхшы белүләрен расладылар.

Бу көн чараларга бай булды. Берничә дәрес узуга, өч озын сигнал ишетелде. Барысы дә белә: бу - эвакуация хәбәре. Бар укучылар, укытучылар эзлекле рәвештә, тәртип белән мәктәп каршына җыелды. Янгын сүндерүче булып эшләүче Багаутдинов Ф.Г. янгын куркынычсызлыгы кагыйдәләрен тагын җер кат искә төшерде, янгын була калса нишләргә кирәклеген искәртте.

Мәктәбебезгә цирк труппасы килеп китте. Алар кызыклы трюклар күрсәттеләр, ә клоуннар балаларны рәхәтләнеп көлдерделәр, күңелле уеннар уйнаттылар.

16 апрель көнне Норлат урта мәктәбендә зональ укучылар смотры узды. Мәктәбебез данын якларга 18 укучы барды. 6 нчы сыйныф кызлары Әнвәрова Гөлнәзирә, Гибадуллина Ләйсән, Гибадуллина Миләүшә, Зәйнуллина Таңсылу, Фәтхуллина Ландыш вальс башкардылар. Абдулхаев Аяз, Госманова Ильнара, Гиззтуллина Язилә, Гарифуллина Руфия, Насыйбуллина Сиринә, Гарифуллин Илназ һәм Айнур, Гизатуллина Гөлчәчәк, Нигматуллина Алинә, Баһаветдинова Гөлия, Рахматуллина Илүзә, Сәйфетдинов Рәмис биюләр белән чыгыш ясадылар. Аарада Сиринә, Гөлнәзирә һәм Гөлия шигырь һәм җыр бәйгеләрендә дә катнаштылар. Афәрин, укучылар.
 

Бүген 8 нче сыйныф укучылары өчен физикадан "Электр энергиясен саклау" темасына ачык дәрес үтте. Аны физика укытучысы Мингалиев Гомәр Әнәсович алып барды. Укучылар күп кенә яңа һәм кызыклы мәгълүматлар белән таныштылар.

7, 8, 9 нчы сыйныф укучылары Г.Камал театрына экскурсиягә бардылар. "Арбалы хатыннар" дип исемләнгән драма барысының да күңелендә тирән хис-кичерешләр калдырды.

Бүген 6 нчы һәм 7нче сыйныфлар арасында математик КВН узды. Математика укытучысы Ләйсән Фәһимовна укучыларны төрле бәйгеләрдә сынады. Бераз гына аерма белән 6 нчы сыйныф кызлары ярышта җиңеп чыктылар.