Мәктәбебезнең инглиз теле укытучысы Шакирова Ләйсән Илгизәр кызы Казан дәүләт университеты оештырган "Милли мәгълүмат чаралары системасында яшьләр һәм балалар журналистикасы" дип исемләнгән II  Республика фәнни-гамәли  конференциясендә катнашып, III дәрәҗәдәге диплом белән бүләкләнде. Котлыйбыз!

Бүген чираттагы педагогик киңәшмә үтте. "Аттестациядәге үзгәрешләр" дигән темага Шакирова Л.И. чыгыш ясады. Сыйныф җитәкчеләре укучыларның өлгерешләре белән таныштырдылар.

25 нче марттан 30 нчы мартка кадәр укучылар язгы каникулда. Сыйныф җитәкчеләре куркынычсызлык кагыйдәләрен искә төшерделәр, инструктажлар үткәрделәр.

1. Бүген районыбызның Әйша мәктәбендә Габдулла Тукай исемендәге IX Халыкара уку бәйгесенең "Туган ягым - яшел бишек" дип исемләнгән муниципаль шигырь уку бәйгесе булып узды. Мәктәбебез укучылары да әлеге бәйгедә катнашып, лаеклы урыннар алдылар. Зыятдинова Алия (7 нче сыйныф) һәм Гыйззәтуллина Ясминә (4 нче сыйныф) II урын, Сафина Алинә (8 нче сыйныф) III урынга лаек булды. Укучыларыбызны һәм бәйгегә әзерләгән укытучыларыбызны җиңүләре белән котлыйбыз!

12 марта 2019 года на базе Нурлатской школы прошел муниципальный этап Республиканского детского художественного фестиваля народного творчества «Без бергә». Для того, чтобы показать свой талант и принять участие в данном фестивале народного творчества, съехались учащиеся из Ачасыркой, Татарско-Танайской, Нурлатской и Кугушевской школы. Нашу школу на данном конкурсе представлял  ученица 9го класса Нуруллина Камилла в номинации "Народный вокал". Победители конкурса были приглашены на занольный этап, который состоится 22 марта в г. Зеленодольск.

 Кояш нурларына, тамчылар чыңына төренеп март ае да килеп җитте. Табигатьнең язгы үзгәреш кичергән бер мәлендэ без гүзәл затларыбызның ин күркәм бәйрәмен – 8 нче  Март Халыкара хатын-кызлар көнен билгеләп үтәбез. Язгы кояш нурына күмелгән әлеге бәйрәмдә мәхәббәт, матурлык, ана назы, ягымлылык, мәрхәмәтлелек, шәфкатьлелек, сабырлык, хатын-кызга ихтирам кебек мәңгелек кыйммәтләр чагылыш таба. Бу матур бәйрәм көнендә безнең ихлас котлауларыбызны кабул итегез.Язгы гөрләвекләр сезнең тормышыгызга җылылык, саулык-сәламәтлек, эшегездә уңышлар, күңел тынычлыгы, күтәренке кәеф, бәхет алып килсен!

Бүген 8 нче Март - халыкара хатын - кызлар көне уңаеннан "Иң кадерле кешем!" дип исемләнгә кичә үткәрелде. Бәйрәмдә укучыларның әниләре дә катнашты. Дәртле биюләр, моңлы көйләр, мәгънәле шигырь - мәзәкләр аша укучылар әниләрен бәйрәм белән котладылар, рәхмәтләрен әйттеләр, хөрмәтләрен җиткерделәр.

Бүген 1 нче сыйныф укучылары һәм аларның әти-әниләре өчен зур бәйрәм оештырылды. "Рәхмәт сиңа, Әлифба" диеп исемләнгән кичәдә укучылар үзләренең сәләтләрен күрсәттеләр, әти-әниләр тапкырлыкта сыналдылар. Укучыларны зур җиңүләре - Әлифба китабын тәмамлаулары белән котлыйбыз, киләчәктә уңышлар телибез.

Бүген мәктәп укучылары һәм укытучылар коллективына төбәкара конференцияләрдә катнашкан укучылар үзләренең эзләнү-тикшеренү эшләрен тәкъдим иттеләр.