Җәйнең беренче көне җылылык, яктылык, мәрхәмәтлелек өстәүче бәйрәм - Балаларны яклау көнен күп илләрдә зурлап үткәрәләр.Балаларны яклау көне 1950 нче елдан башлап дөнья күләмендә билгеләп үтелә. Әлеге бәйрәм турындагы карар 1949 нчы елның ноябрендә хатын-кызлар Халыкара демократик федерациясе махсус сессиясендә кабул ителә.БМО әлеге инициативаны хуплап, балаларның хокукын, тормышын, сәламәтлеген саклауны үз эшенең өстенлекле юнәлеше итеп игълан итә.Бөтен җир шарындагы сабыйларга игътибар җәлеп итү максатыннан әлеге бәйрәм һәрвакыт төрле чаралар белән уздырыла. Авылыбыз балалары өчен дә мәдәният йорты каршындагы мәйданда бик зур бәйрәм чарасы оештырылды. 

Кошлар да бер шулай таралалар,
Сау бул инде, туган оябыз!
Офыкларга карап очар өчен
Иңнәрдә без канат тоябыз.

Әйтерсең лә пар атларда үтте
Кыңгыраулы мәктәп еллары;
Күңелләрдә гомерлеккә калыр
Шушы соңгы моңлы чыңлавы.
Кыңгыраулы, кыңгыраулы,
Кыңгыраулы мәктәп еллары!..
Бүген мәктәбебездз 9 нчы сыйныф укучылары өчен соңгы тапкыр кыңгырау чыңлады .Алда зур имтиханнар көтә. Уңышлар һәм хәерле юллар сезгә!

Бүген 4нче сыйныф укучылары өчен чыгарылыш кичәсе оештырылды. Алар башлангыч мәктәп һәм беренче укытучылары белән хушлаштылар. Бәйрәмгә укучыларның әти-әниләре дә килгән иде.

Бүген татар халкының бөек шагыйре Габдулла Тукайның туган көне. Шул уңайдан мәктәбебездә "Син мәңге яшь" дип исемләнгән әдәби-музыкаль кичә узды. Чарада Тукайның шигырьләре сөйләнде, әсәрләре сәхнәләштереп күрсәтелде. Кичә татар халкының гимнына әйләнгән "Туган тел" җыры белән тәмамланды.

Бүген мәктәптә  әти-әниләр, укытучылар һәм җирле үзидарә башлыгы Гатауллин А.А. катнашында чираттагы ата-аналар  җыелышы узды.

Җирләр әле кардан арынырга да өлгермәде, язгы өмәләр башланып китте. Бүген укучылар һәм укытучылар мәктәп янын чистарттылар.