Учащиеся 6 класса Зарипов Ансар и Сагиев Арслан участвовали  IV Региональном лингвистическом форуме«Вечный язык» – «Eternal Language»,посвященном Уильяму Шекспиру и заняли 3 место. Молодцы, ребята, вы самые лучшие!

22 нче апрельдән 27 нче апрельгә кадәр мәктәбебездә татар теле һәм әдәбияты атналыгы булып үтте. Атна буе күп төрле конкурслар үткәрелде. Төркемнәр арасында "Күңелле татар теле" дигән викторина, татар халкының милли уеннарын уйнау, "Беренче театр", “Әлдермештән Әлмәндәр” әсәрләрен сәхнәләштерү кебек чаралар уздырылды,  26 нчы апрель көнне “Тукайлы иртә” дип исемләнгән Тукайны искә алу тантанасы булып узды. 27 нче апрель көнне атналыкка йомгак ясап укучылар чыгыш ясадылар. Бәйрәм "Туган тел" җыры белән тәмамланды.

Бу чараларда укучылар үзләренең тапкырлыкта, зирәклектә көчләрен сынадылар, үзләренең белемнәренең сыйфатын тикшерделәр.

Чараларны татар теле укытучылары Шакирова Роза Рәкыйп кызы, Зарипова Фәнисә Фәйзрахман кызы оештырдылар.

Шушы уңайдан мәктәбебездә Карауҗа мәдәният йорты белән берлектә кичә булып үтте. Балалар үзебезнең туган телебезгә карата булган хөрмәтләрен күрсәттеләр. Кичәдә Г.Тукайның әсәрләре сәхнәләштерелде, матур шигырьләр яңгырады. Кичә Г.Тукайның "Туган тел" җырын күмәк җырлау белән тәмамланды.

8 нче сыйныф укучылары Туфан Миңнуллинның «Әлдермештән Әлмәндәр» спектаклен сәхнәләштерделәр.

Татар теле атналыгын дәвам итеп укучыларыбыз үзләрен артист буларак сынап карарга булдылар. Бүген 6 нчы сыйныф укучылар Г.Камалның “Беренче театр” әсәрен сәхнәләштерделәр.

Татар халкы борынгыдан җырлы-биюле һәм башка кызыклы уеннары белән дан тоткан. Уеннар төрле бәйрәмнәрдә, аулак өйләрдә, кичке бәйгеләрдә уйналган. Уеннар кешеләрдә дуслык бердәмлек, ярдәмчеллек сыйфатлары тәрбияләгән. Кешеләрдә мәрхәмәтлелек, туган җиргә мәхәббәт хисләре тәрбияләнгән.

Без дә бүген татар халык уеннарын искә төшереп алдык. Башлангыч сыйныф укучылары белән “Йөзек салыш”, “Түбәтәй”, “Утыр, утыр, Мәликә”, “Кәрия-Зәкәрия”, “Без-без, без идек” уеннары уйнадык.

Кешенең бөтен тормышы тел белән бәйле: тел ярдәмендә кешеләр үзара аралашалар, бер-берсен аңлыйлар, тормыш тәҗрибәләрен һәм рухи байлыкларын буыннан буынга күчерә баралар. Шулай итеп, тел кешелек җәмгыятен үстерүгә хезмәт итә.

Чираттагы атналык бөек татар теленә багышлана. Бүген мәктәбебездә 5-9 нчы сыйныфлар өчен “Күңелле татар теле” дигән викторина булып узды.

Бүген 8нче  һәм 9нчы сыйныф укучылары авыл тирәсен чүп чардан арындыру эшендә катнаштылар. Мондый чаралар һәр шимбә саен үткәреләчәк.