Грипп – гомумән алганда, елның көз-кыш вакытында теркәлүче   вируслы авыр йогыш. Гриппка бирешүчәнлек гомуми. Йогыш тапшыруның иң киң таралган юлы – йөткерү, төчкерү, сөйләшү вакытында һава-тамчы аркылы.

Грипп этиологиясе булмаган көчле респиратор вируслы йогышлар вакытында авыру акрынлап үсә, ешрак аручанлыктан һәм томаудан, аннан соң юешкә күчъче коры йөткерүдән башлана.

Грипп, гадәттә, көтмәгәндә башлана: температураның кискен артуыннан (38–39 град. һәм югарырак), көчсезлектән, баш, мускул һәм буын авыртуларыннан. Яктылыкка күтәренке сизүчәнлек билгеләнә. Аннан соң йөткерү һәм томау кушылалар. Иң актив дәвер авыруның 3–5 көненә туры килә, сәламәтләнү (катлаулы булмаган формаларда) 8–10 көнгә килә. Грипп вакытында кан тамырлары зарарланалар, шуңа күрә теш уртларының һәм борынның лайлалы тышчасының кан китүчәнлеге мөмкин.

Балаларда грипп төрлечә уза, ләкин алар аеруча каты авырыйлар. Риск төркемен шулай ук өлкән яшьтәге кешеләр, озакка сузылган патология белән һәм иммун системасының авырулары белән кешеләр, йөкле хатыннар тәшкил итәләр. Грипп кичерүдән соң организм төрле йогышларга гәдәттән тыш бирешүчән була. Ул авыр йогышлы өзлегүләргә китерә: пневмонияләргә, үпкәнеж үлекле шешләренә, йөрәк-кан тамырлары авыруларына, энцефалитларга, менингитларга. Өзлегүләрнең ешлыгы буенча лор-органнары якгыннан авырулары (синуситлар, отитлар, ангиналар) икенче урында торалар. Гриппның каты формасы һәм өзлегүләр вакытында үлем нәтиҗәле очраклар да мөмкин була.

Грипптан иң яхшы саклану – иммунизация.

Гриппка каршы  вакциналар кешеләрнең күп өлеше өчен куркынычсыз, гриппны һәм аның өзлегүләрен профилактикалау карашыннан югары нәтиҗәлелеккә ия. Шушы вакциналар белән 60 артык еллар буенча файдаланалар һәм алар үз куркынычсызлыгын исбат иттеләр.

Грипп һәм КРВЙ белән авыруларны профилактикалау өчен кирәк:

• авыру кешеләр белән бәйләнештән качу; авыручы гаилә әгъзасын мөмкинлек буенча башкалардан аерым урнаштырырга, авыручыга аерым савыт-саба бирергә;
• авыручы кеше белән бәйләнешкә кергәндә битлек кияргә; авыручы артыннан карауны бетергәч, битлекне кичектермичә салырга, ташларга һәм кулларны юарга;
• шакшы куллар белән күзләргә, борынга һәм авызга тимәскә;
• кулларны ешрак сабын белә юарга.

Йортны 15–20 мин буенча көненә 3–4  тапкыр регуляр җилләтергә  киңәш бирелә.

Кешеләрнең зур төркемнәреннән качыгыз (тамаша чараларыннан, җыелышлардан, очрашулардан).

Сәламәт яшәү рәвешен алып барырга кирәк (яхшы сыйфатлы йокы, саф һава, актив ял итү, баланска китерелгән ашау), ул организмга төрле йогышлар белән көрәшергә булыша. Тәртипле һәм дөрес ашау зур мәгънәгә ия.

«Аякта» уздырылган һәртөрле вируслы авыру киләчәктә теләмәгән нәтиҗәләргә һәм өзлегүләргә китерергә мөмкин. Шуның өстеннән авырып киткән кеше тирә-яктагы кешеләрне йоктыра.

В период с 20 по 25 января была проведена предметная неделя русского языка и литературы. Учитель русского языка и литературы совместно с учащимися подготовила стенд на тему "К 160- летию А. П. Чехова".Интересно и увлекательно прошло мероприятие о жизни и творчестве русского писателя А. П. Чехова.

Шушы көннәрдә Карауҗа  мәктәбе үзенең 100 еллыгын бәйрәм итте. Бер гасырлык белем учагын юбилее белән котлап, элеккеге укучылары, һөнәри гомерләрен балаларга тәрбия бирүгә багышлап, лаеклы ялга чыккан ветеран педагоглар, мәртәбәле кунаклар җыелды. 

Кичәдә Татарстан Республикасы Яшел Үзән муниципаль районы Башкарма комитеты җитәкчесе урынбасары - мәгариф идарәсе башлыгы Афанасьева Раиса Валиевна да катнашты. Ул уз чиратында мәктәпне зур бәйрәме белән котлады һәм укытучылар коллективына ТР Зеленодольск муниципаль районы Башкарма комитетының мәгариф идарәсе грамоталарын тапшырды. Шулай ук ТР Зеленодольск муниципаль районы башлыгы М.П. Афанасьев исеменнән дүрт укытучыны – Зарипова Ф.Ф., Мухтарова З.К., Шакирова Р.Р., Саляхова Л.Р.-  Мактау грамоталары белән бүләкләп узды.

Тел галиме, филология фәннәре докторы, профессор, җәмәгать эшлеклесе Фәрит Йосыф улы Йосыпов та  Карауҗа мәктәбен тәмамлап югары дәрәҗәләргә ирешкән горурлыгыбыз. Уз чыгышында ул үзенең Карауҗа мәктәбендә белем алуы, Карауҗа кешесе булуы белән горурлануын әйтте. Мәктәпкә үзенең китапларын бүләк итеп калдырды.

Мәктәпнең киләчәге өчен күп көч куйган, ябылу алдында торган мәктәпне яклап, яптырмыйча алып калган кеше- философия фәннәре докторы, Татарстан Республикасының атказанган фән эшлеклесе Солтанов Фәрит Мирза улы да үзенең эчкерсез котлау сүзләрен җиткерде.

Бу көнне мәктәпкә карата да, ветеран укытучыларга карата да җылы сүзләр бик күп булды. Истәлекле, җылы очрашу бик күпләрнең күңелендә бик озак сакланыр әле.

Барлык чыгарылыш сыйныф укучыларын, укытучыларны һәм педагогик хезмәт ветераннарын зур бәйрәм белән котлыйбыз! Без сезгә хезмәттәшләр, сыйныфташлар белән очрашып,онытылмас мәктәп еллары хәтирәләренә бирелергә, үткәннәргә сәяхәт итәргә тәкьдим итәбез. 

6 нчы декабрь көнне мәктәбебездә чираттагы ата-аналар җыелышы булып узды. Директор Рахимов Илшат Юсупович мәктәп алдында торган бурычлар һәм проблемаларны сөйләде, соңыннан ата-аналар сыйныфларга таралып, сыйныф җитәкчеләре белән әңгәмә кордылар.