Бүген мәктәптә көзге уңыш бәйрәме - "Сөмбелә" узды. Укучылар үзләрен һәръяклап күрсәтә алдылар. Төрле номинацияләр буенча бәйгеләрдә катнаштылар. Нәтиҗәдә беренчелекне 7 һәм 8 класс укучылары алды. Афәрин! Бәйрәм бик матур узды!

  Бүген мәктәптә Укытучылар көне уңаеннан бәйрәм кичәсе узды. Бәйрәмне мәктәп директоры Марс Маликович ачып җибәрде,укучылар матур концерт программасы әзерләгән иде, Бәйрәмгә ветеран укытучыларыбыз да килгән иде. Аларга профсоюз оешмасы исеменнән "Яшел Үзән районының укытучылар династияце альманахы" бүләк ителде.

Бүген мәктәптә озак еллар буе физкультура, НВП, тормыш иминлеге нигезләре фәнен укыткан Шайхуллин Рафаэль абыйны лаеклы ялга озату кичәсе дә узды. 54 ел гомерен балаларга белем бирүгә багышлаган укытучыны зурлады авыл халкы. Рафаэль  Гарәфетдин улын мәктәп коллективы, авыл җирлеге, аның күпләгән укучылары, туганнары котлады. Мәктәп директоры Мәгариф идарәсенең рәхмәт хатын тапшырды. Кичә бик җылы атмосферада узды.

Бүген 5 класс укучылары рус теленнән тест эшләделәр.Тест биремнәре РЦМКО тарафыннан әзерләнеп, укучыларның белемнәрен 4 класста алынган белемнәрен тикшерү максатыннан оештырыла.

Бүген мәктәп коллективы бакчада көзге уңышны җыйды. Укучылар укытучылар белән берлектә кишер һәм чөгендер алуда катнашты. Уңыш югары, укучыларның җәйге хезмәте бушка китмәгән. Ел әйләнәсе ашханәдә ашарлык витаминлы яшелчә әзерләде укучылар үзләренә!

Шимбә көнне Казанда уку йортларының авыл хуҗалыгы ярминкәсе узды. Әлеге чарада безнең мәктәп тә үз бакчасында үстергән яшелчә, җиләк-җимешләре белән катнашты. Казан халкы бигрәк тә безнең алмаларны яратып,  бик тиз арада алып та бетерде.

Башлангыч класс укытучылары Замалиева Ф., Шигабетдинова Г.  "Мәдәни көндәлек" дәресе уздырды. Укучылар Татарстан, Яшел Үзән ягы мәдәнияте турында сөйләштеләр. Дәрес ахырында китапханәче Шәйхиева Г. укучыларга мәдәни көндәлекләрне өләште. Әлеге көндәлекләр укучыларга туган ягыбызның мәдәниятен тагын да тирәнтенрәк өйрәнергә, якыннанрак танышырга мөмкинлек бирер.

Барлык укытучыларны, укучыларны яңа уку елы белән тәбрик итәбез. Эшегездә һәм укуларыгызда уңышлар телибез!

Укытучыларның август киңәшмәсе кысаларында шәһәр һәм район мәктәпләре директорлары безнең мәктәптә кунак булдылар. Алар мәктәп тормышы белән якыннан таныштылар. Кабинетларда булдылар, күргәзмә белән таныштылар, мәктәп бакчасы буенча экскурсия ясадылар.

Бүген мәктәптә "СПИД-замана афәте" дигән тема астында ачык класс сәгате узды. Класс җитәкчесе Абзалина Л.Р. укучыларга кызыклы мәгълүматлар җиткерде, видеофильмнардан өзекләр күрсәтте. Шулай ук "СТОПСПИД" дигән хэштек астында акция узды.