Бүген бакчабызда Нәүрүз бәйрәме үткәрелде. Бәйрәмдә яз җитүен сизеп  уянган  Керпекәйгә балалар яз турында мәкальләр сөйләделәр, табышмаклар чиштеләр. Балаларның күңеллле яз турындагы җырларын ишетеп бәйрәмгә яз кызы Нәүрүзбикә килде. Нәүрүзбикә балаларны һәм кунакларны котлап үзенең изге теләкләрен җиткерде. Ләкин Кыш бабай Нәүрүзбикәгә үзенең биләмәләрен бирергә җыенмый. Ул Нәүрүзбикәне җиңәсенә ышанып ярышка чыкты. Яз кызы Нәүрүзбикә дә бирешә торганнар түгел, һәр ярышта Кыш бабайдан өстен чыкты. Менә шуннан соң гына Кыш бабай Нәүрүзбикәгә үзенең тәхетен калдырып китте. Нәүрүзбикәнең изге теләкләрен тыңлап балалар, әти-әниләр, килгән кунаклар карга боткасы белән сыйланды.

Халкыбызның борынгы бәйрәмнәрен балаларга кызыклы итеп җиткерүдә зур ярдәм күрсәткәннәре өчен Ташкичу мәдәният йорты һәм  китапханә хезмәткәрләренә зур рәхмәтебезне белдерәбез! Аларга эшләрендә уңышлар телибез!