Без бу проектларны һәркайсын гаилә темасы белән бәйләп үткәрдек, шуңа йомгаклау чарасын да бергә башкардык. Бәйрәмдә һәр бала үзенең әнисенә багышланган шигырен сөйләде, ә бу вакытта экранда аның әнисе белән төшкән фотосы күрсәтелде. Ул балаларга бик охшады.

Кичәнең икенче өлешендә "Әниләр һәм бәбиләр" бәйгесендә әбиләр һәм әниләр командалары үзләренең көчләрен сынашты. Алар бишек җыры башкару, балалар белән татар халык уенын оештыру, акча санау, ситуацияләр чишү,  прическа ясау бәйгесендә ярышты. Яссы Тугай авылыннан кунакка килгән Сөмбелә әбинең (Радельның әбисе) һәм Халилова Гүзәлнең (Адельның әнисе) бишек җырын башкарулары күңелләргә үтеп керде. Элекке педагог Сөмбелә апа форсатны кулдан ычкындырмыйча, Әниләр көне белән котлап җыр башкарды. аларга җавап итеп Зарипова Алсу "Әниемә" җырын бүләк итте.

Ә балалар кунакларның күңелен күреп, ял минутларында үзләренең җыр-биюләрен башкарды. Бәйрәмебездә катнашучылар һәкайсы шаян призларга лаек булды.