Бүген 5-6 сыйныф укучылары өчен Татарстан Республикасы Конституциясе һәм дәүләт символикасының 25 еллыгына багышланган ачык дәрес үткәрелде. Әлеге чараны 10 сыйныф укучылары әзерләде. Алар Татарстанның флагы, гербы, гимны, Конституциясе турында сөйләделәр, укучылар арасында викторина үткәрделәр. Дәресне гимнны җырлап тәмамладылар. 

Инде гадәткә әверелгән язгы макулатура тапшыру марафоны старт алды. Бүгенге көнгә 5нче сыйныф укучылары  32 кг кәгазь җыйды.

Экология айлыгы кысаларында 9нчы сыйныфта "Калсын дөнья матурлыгы киләчәк буынга да" дип исемләнгән экология дәресе узды. Укучылар, биология укытучысы Диләрә Миннерахмановна җитәкчелегендә, урман экосистемасын дөрес файдалану турында сөйләштеләр, проектларын якладылар.

Бүген 2-3нче сыйныф укучылары авыл китапханәсендә Балалар китабы көнен билгеләп уздылар. Китапханәче Нәсимә Нигмәтҗан кызы укучыларны яңа китаплар белән таныштырды. Ул яңа китапларның зәвык белән бизәлеше, эчтәлеге ягыннан бик бай булуына тукталып узды. Соңыннан һәр бала үзенә китап сайлап алды, аерым әсәрләрне иптәшләренә укып күрсәттеләр.

7нче сыйныф җитәкчесе Голшат Фарвазовна укучылары белән ата-аналарны очрашуга җыйды. Ул "Халкыбызның югалып баручы йолалары" темасына багышланды. Балалар үзләре әзерләгән Каз өмәсе йоласын сәхнәләштерделәр, ата-аналар заманча буш вакытны уздыру күренешен тәкъдим иттеләр. Әлеге күренешләрне чагыштырып, укучылар үзләренең буш вакытларын кызыклы һәм файдалы итеп үткәрергә кирәклегенә төшенделәр, әти-әниләре аларга һәм мәктәпкә үз теләкләрен җиткерделәр. Җыелыш-очрашудан һәркем үзенә гыйбрәтле киңәш алгандыр дип ышанабыз. 

"Эковесна" проекты кысаларында "Төргәккә тагын бер тормыш" акциясе бара. Укучылар һәм әти-әниләрнең фантазиясенә чикләр юк. Алар кулланылган төргәк, шешә, әрҗәләргә яна сулыш өрәләр. 

Язгы каникул чорында 5нче сыйныф укучысы Михайлова Алия Яр Чаллы шәһәрендә узган "Юннат-2017" фәнни-гамәли конференциядә катнашты. Ул призер дипломына лаек булды. Алияне һәм җитәкчесе Әһлиуллина Диләрә Миннерахмановнаны котлыйбыз, иҗади уңышлар телибез.

Бүген гомуми линейкада биология укытучысы Диләрә Миннерахмановна Экология айлыгы башлануын хәбәр итте.  Ул экология отрядының  Кошлар көненә багышланган чыгышы белән башланды. Укучылар табигать һәм кошлар турында шигырьләр сөйләделәр. Укучыларны Туган җиребез табигатен, анда яшәгән тереклекне, үсемлекләрне сакларга чакырдылар.

Сегодня выпускники 9 класса встретились с представителями ГБПОУ "Октябрьский многопрофильный профессиональный колледж".