Бүген, ягъни 3 нче апрель көнне, мәктәп күләмендә  9 нчы сыйныф укучыларының ата- аналар җыелышы булып узды. Анда укучыларның ОГЭ ларга әзерлеге турында һәм пробный ОГЭ нәтиҗәләре турында сөйләшенде, һәр фән укытучысы үз фәненнән укучының өлгереше турында сөйләде.

2 нче апрель- Халыкара балалар китабы көне . Шушы уңайдан , безнең мәктәпнең 3-5 сыйныф укучылары  авыл китапханәсендә кунакта булдылар.Татар теле һәм әдәбияты укытучысы Галиуллина Гөлнар Илдар кызы һәм авыл китапханәсе хезмәткәре Зарипова Әлфинур  Габделхак кызы укучылар белән бик күңелле,эчтәлекле әңгәмә үткәрделәр.

Бүген безнең мәктәпнең 5 нче сыйныф укучылары  авылыбызның иң өлкән кешесе, Бөек ватан сугышы ветераны Җиһаншин Әгъзам абыйның капка төбен, ишек алдын җыештырырга булыштылар. Укучылар ветаранга ел әйләнәсе ярдәм итәләр.

Авылыбыз уртасында, Бөек Ватан сугышында һаләк булган авылдашларыбыз истәлегенә куелган обелиск әйләнә-тирәсен кардан чистарттык.

Бүген  Яшел Үзән районының  "Карауҗа гомуми урта белем бирү мәктәбе" кысаларында VII республиканский конкурс  научно-исследовательских, проектных и творческих работ сельских учащихся 5-8 классов на основе естественно научных дисциплин «Я выбираю село» конкурсы булып узды. Шунда “История водоемов” номинациясендә Абдрахманова Гүзәл Илдар кызы җитәкчелегендә VII сыйныф укучысы Насыбуллина Лиана Зөлфәт кызы, үзебезнең авылның Изгеләр чишмәсе турында фәнни- гамәли эше белән чыгыш ясап, III урын алып кайттылар.

Бүген безнең мәктәптә сыерчык ояларыконкурсы булып узды. Барлык укучылар да сыерчык оялары алып килгәннәр. Кайбер укучылар өр-яңа оя ясаганнар,кайбер укучылар иске ояларны  чистартып   алып килгәннәр.Барлык укучыларның да хезмәтләре бәяләнде. Җиңүчеләрне "Чулпан" тыюлыгы вәкилләре Гыймадиев Фәнил Камил улы һәм Шакиров Рафис Зөфәр улы билгеләде.  Җиңүче дип 5 сыйныф укучылары Зәбиров Рәзил һәи Рузәлләрнең  яңа оялары табылды. Аларга җиңүче дипломы һәм Татарстанның Кызыл китабытапшырылды. Шулай ук Гыймадиева Алинә һәм Алия, Ахмадуллина Зөһрә һәм Зөбәрҗәт,Газизова Гөлназ, Шакирова Сәрвиназларның оялары да дипломга лаек дип табылды.

Бүген мәктәптә башлангыч сыйныф укучылары катнашында  "Нәүрүз" бәйрәменә багышланган бәйрәм тамашасы үткәрелде.

Укучылар  авыл халкыннан, татар халкының гореф-гадәте буенча "Карга боткасы" пешерү өчен ярма җыйганнар иде.Бүген шул ярмалардан учак өстенә зур казан асып ботка пешерелде. Ботка ашарга авыл кешеләре дә, кунакка кайткан балалар да килде. Ашаудан калган ботканы кошларга дип  сиптеләр.

Экология елы уңаеннан Республикабызда күп кенә конкурслар игълан ителә. Шундыйларның берсе: IV Региональный конкурс научно-исследовательских, проектных и творческих работ дошкольников и младших школьников

«Край родной, навек любимый, где найдёшь ещё такой!»  15 нче март көнне Яшел Үзән районы Бишнә авылында үтте. Шунда безнең II сыйныф укучысы Насыбуллина Ралина укытучы Насыбуллина Энҗе җитәкчелегендә “Природа нашей малой  родины” номинациясендә үзенең туган ягы турында инша язып III урын алып кайтты.

Бүген мәктәп укучылары  "Карга боткасы" пешерү бәйрәме өчен, төрле матур такмаклар әйтә-әйтә авыл кешеләреннән ботка өчен ярма җыйдылар. Авыл халкы бу бәйрәмне көтеп ала, такмаклар әйтеп , җырлар җырлап ярма җыючы балаларга  бик теләп ярма бирәләр.