Бүген безнең мәктәпкә якташ язучыларыбыз  Рафис Корбан, Солтан Шәмси, Ләлә  Сабирова-Гыймадиева һәм Алмаз Гыймадиев килде. Бу очрашу шулай ук якташ язучыбыз Альберт Хәсәновның 80 яшьлек юбилее уңаеннан оештырылды. А.Хәсәнов үзе килә алмады.

Язучы-прозаик һәм журналист Альберт Бари улы Хәсәнов (әдәби тәхәллүсе – Альберт Ашыт) 1937 елның 1 декабрендә Татарстанның элекке Дөбъяз (хәзерге Биектау) районы Кече Кавал авылында укытучы гаиләсендә туа.

Балалар шагыйре һәм драматург Рафис Корбан (Рафис Харис улы Корбанов) 1957 елның 1 гыйнварында Татарстанның Дөбъяз (хәзерге Биектау) районы Кече Битаман авылында крәстиян гаиләсендә туа. 

Солтан Шәмси (Солтан Сәләх улы Шәмсетдинов) 1946 елның 10 февралендә Татарстан Республикасының Биектау (элекке Дөбъяз) районы Суыксу авылында крәстиян гаиләсендә туа. Балачак еллары һәм үсмер чагы шул ук районның Юртыш авылында уза.

12 декабрь – Россия Федерациясе Конституциясе көне.1993 елның 12 декабрендә кабул ителгән төп закон Кеше хокукларын һәм ирекләрен иң зур хәзинә дип игълан итте. Татарстанлылар Россия халыкларының бердәм гаиләсендә уртак уй-фикерләр һәм мәнфәгатьләр белән яши, демократик үзгәрешләр һәм ирешкән казанышлар белән горурлана. Илебезнең иминлеге һәм алга таба үсеше һәр гражданның тырыш һәм нәтиҗәле хезмәтенә, һәр төбәкнең уңышына бәйле.

Безнең мәктәптә дә бу чарага багышланган сыйныф сәгатьләре үтте.

Укучылар кошларга җимлекләр элделәр.

Башлангыч сыйныф укучылары үзләре ясаган җимлекләргә ярмалар салып аларны агачларга элделәр.

Укучылар үз кулларыбелән кошларга җимлекләр ясап элделәр.

9 нчы декабрь - Россиядә Ватан Батырлары көне. Бу көндә безнең мәктәп укучылары авыл уртасындагы монумент-һәйкәл әйләнә- тирәсен кардан чистартып Бөек ватан сугышында һаләк булган авылдашлар истәлегенә чәчәкләр куйдылар. Аларның һәркайсы безнең яшь буын өчен чын Батыр. 

Сугыш күргән, авырлыкларны җиңеп исән-сау әйләнеп кайткан Зиганшин Әгзам Зиганша улына укучылар җәен-кышын гел ярдәм итеп торалар.Ветеранның капка төбен кардан чистарту укучылар өчен күңелле эш. Чөнки алар тарихны яхшы  беләләр. Бүгенге көн балаларын шулай рәхәт тормышта яшәвендә аларның өлешләре хисапсыз. 

"Международный день борьбы с коррупцией — отмечается ежегодно 9 декабря, начиная с 2004 года. Провозглашён Генеральной Ассамблеей ООН (резолюция № A/RES/58/4 от 21 ноября 2003 года). В этот день в 2003 году в Мексике была открыта для подписания Конвенция ООН против коррупции."

Безнең мәктәптә дә ел саен бу көндә мәктәпкүләм чара уздырыла. Бүген "Коррупция турында без нәрсә беләбез?" дигән темага тәрбия сәгате үткәрелде.

Бүген безнең мәктәптә 6 нчы сыйныф  тимурчыларын "Юнармия" сафларына кабул итү тантанасы булды. Бу тантанага Биектау районының хәрби комиссары А.Л.Найденов  килде.Шулай ук Биектау районы "Юнармия" хәрәкәте  штабы җитәкчесе Забиров Инсаф яшь "Юнармия"челәрнең хәрби антын кабул итте, значоклар такты. А.Л.Найденов  удостоверениелар тапшырды.

Бүген "Россия информатиклары көне".  "Час кода" дип аталган Бөтенроссия белем акциясе менә дүртенче ел инде  билгеләп үтелә. Шул уңайдан безнең мәктәптә бу чара бик истә калырлык булып үтте. Укучылар видеороликлар карадылар,"Час кода" чарасының нилектән шулкадәр әһәмиятле булуына программистлар мөрәҗәгате аша  төшенделәр.