Быел мәктәп бик күп төрле чәчәк  үсентеләре үстерде. Шулардан тыш, кайбер чәчәкләрне турыдын-туры туфракка да чәчтеләр. Укучылар һәм укытучылар ярдәме белән алар гөрләп үсәчәк.

Мәктәп бакчасында җир яшелчә утыртырлык булып өлгерде. Мәктәп тракторы белән бакча сукаланды.Бүген укучылар укытучылар белән бергәләп яшелчә утырттылар.

Бүген авыл уртасындагы Бөек Ватан сугышында һаләк булган авылдашлар истәлегенә куелган обелиск янында Бөек Ватан сугышында Җиңүнең 72 еллыгы уңаеннан тантаналы митинг булды.  Укучылар,укытучылар , ветераннар  һәм авылдашларны район хакимияте вәкиле Газизов Рафис Гарафи улы, авыл җирлеге башлыгы Мифтахов Айнур Гомәр улы, мәктәп директоры Зәбиров Нәгыйм Абдулхак улы һәм "ТатмелиарацияАгро"вәкиле котлады һәм тыныч имин тормыш теләделәр.

 Тәрәзә төбендә үстерелгән  үсентеләрне парникка күчерү эшләре гөрләп бара. Мәктәп кирәк кешеләргә яшелчә, чәчәк үсентеләре сата башлады инде.

Яшелчә,чәчәк утырту өчен башта түтәлләр казырга кирәк. Укучыларыбыз бу эшнең никадәр әһәмиятле икәнен аңлыйлар, бик тырышып эшлиләр.

Бүген Биектауда 1 май- ял һәм хезмәт бәйрәменә багышланган эстафета булып узды.  Безнең мәктәп командасы 3 нче урынны яулады. МОЛОДЦЫ! КОТЛЫЙБЫЗ! Спорт ярышларында яңа үрләр яулагыз! 

Башлангыч сыйныф укучылары һәм укытучылары зур тырышлык белән мәктәп алдын җыештырдылар.

Өмәдә барлык укучылар да тырышып эшләде. 5-6 сыйныф укучылары мәктәп коймасының тышкы ягын кипкән яфраклардан, улән калдыкларыннан чистарттылар.

8 сыйныф укучылары чиялекне  корыган яфрак, чыбык-чабыклардан арындырды.

Мәктәптә укучылар саны аз булуга карамастан, шимбә өмәсендә барлык укучылар, укытучылар, хезмәткәрләр бик тырышып эшләп,  мәктәп ишек алдын, капка төбен, яшелчә-агач бакчаларын чистартып бетерергә өлгердек.