Бүгеннән Татарстан буенча  «Осенняя неделя добра - эстафета добрых дел»  ирекле мәрхәмәтлелек акциясе старт ала.

Белем бәйрәме белән, хөрмәтле укытучылар, укучылар, ата-аналар!

 Бүген безнең мәктәп бусагасын 4 яңа  укучы  атлап керде.Аларга  белем серләрен ачуда зур  уңышлар телибез!

Мәктәбебездә Белем бәйрәме бик күңелле үтте.  Бәйрәмне мәктәп директоры Зәбиров Нәгыйм Абдулхак улы ачып җибәрде. Укучыларны , укытучыларны, ата-аналарны бәйрәм белән район җитәкчесе вәкиле Рания Хади кызы, авыл җирлеге башлыгы Хәлим Абдулхак улы, Татмелиарация-Агро вәкиле, балалар бакчасы модире тәбрикләделәр , беренче сыйныф укучыларына истәлекле бүләкләр, уку кирәк-яраклары тапшырдылар.

Яңа уку елының башлануын хәбәр итеп кыңгырау шалтырады. 

Уңышлы уку елы булсын! Хәерле юл барыгызга да!

"Мәктәпкә җыенырга булыш" акциясендә безнең мәктәптән Фазылҗанов Әмир катнашты.

29нчы июнь көнне исполкомның кече залында, район администрациясе катнашында уку елы нәтиҗәләре буенча сөйләшү булды. Бу сөйләшүдә безнең мәктәпнең нәтиҗәләре яхшы дип каралды һәм бизнес-планга берникадәр үзгәртүләр кертелде. Мәктәпнең бизнес-планында бер укучыга 1000 сум керем каралган иде. Бугенге көнгә бу план 100% үтәлгән. Димәк, мәктәпнең мөмкинлекләре бар. Шуның өчен план 1 укучыга 2000 итеп үзгәртелде. Без бу планны да 100%ка үтәрбез дип ышанабыз.

Бүген 9 нчы сйныф укучылары кулларына төп гомуми белем алу турында аттестат алдылар. Бу - аларның 9 ел буена алган белемнәре нәтиҗәләре. Укучыларның барысы да төп дәүләт имтиханнарын уңышлы гына тапшырдылар. Киләчәктә аларга уңышлар телибез.

Бүген мәктәбебезнең 9нчы сыйныф укучылары өчен соңгы кыңгырау бәйрәме булды. Аларга имтиханнарда һәм киләчәк тормышларында зур уңышлар телибез.

18 нче май - музейлар көне. Шул уңайдан  укучылар мәктәп  музеенда булдылар. Тарих укытучысы Насыйбуллин Зөлфәт абыйлары музей экспонатлары белән таныштырды.

9 нчы май көнне Биектау  районында Бөек Җиңүнең 71 еллыгына багышланган бәйрәм парады булып узды. Анда мәктәп укучылары һәм укытучылары катнашты. 

Бүген Бөек Җиңүнең 71 еллыгына багышланган митинг булып узды. Җитәкчеләр һәм мәктәп укучылары Бөек Ватан сугышы  һәм тыл ветераннарын  котладылар.  Укучылар музыкаль монтаж куйдылар. "Үлемсез полк" акциясендә катнаштылар.