Чәчәкләр - матурлык үрнәге

Татарстан Республикасы Президенты Рөстәм Миңнеханов инициативасы белән старт алган

"Үз мәктәбеңә булыш!"

акциясе дәвам итә.

    Тәүге тапкыр хәреф танырга өйрәткән, белем биргән, дуслар табарга ярдәм иткән туган мәктәбенә һәркем ярдәм кулы суза ала.

Хөрмәтле Илексаз мәктәбен тәмамлаучы укучы!

Сезне Татарстанда баручы “Үз мәктәбеңә булыш”  акциясенә  катнашырга чакырабыз.  

Татарстанның атказанган укытучысы, "РСФСРның мәгариф отличнигы” исеме иясе Нуриәхмәтов Риф Нурми улы бүген 70 яшьлек юбилеен билгеләп үтә. Ул 46 ел укытучы булып эшләгән, аның 26 елы - Илексаз мәктәбе директоры булып. 
Юбилярны безбәйрәме белән котлыйбыз, аңа исәнлек - саулык телибез

Бүген лагерьда "Барысы да киресенчә" көне булды. Бу көнне кызлар - малайлар, малайлар кызлар булып киенеп килгән иде. Барысына да бик күңелле булды. 

Мәктәп каршында оештырылган балалар лагере бик күңелле үтә. Бүген  “Дару үләннәрен таныйбызмы?” дигән темага әңгәмә үткәрелде. Болынга экскурсиягә чыккач, дару үләннәрен җыю ештырылды, соңыннан хәрәкәтле уеннар уйналды.  

Бүген Сарман кинотеатрыннан балалар өчен - мультфильм күрсәтелде. "Элвин и Бурундуки" мультфильмы һәркемгә ошады. 

Бүген балалар асфальтта ирекле темага рәсем ясадылар. Барысы да бик тырыштылар. Агелтдинова Адилә белән Набиуллина Гүзәлнең рәсемнәре бик матур булды. 

Бүген мәктәбебездә Соңгы звонок бәйрәме үтте. 9 нчы сыйныф укучылары өчен ул күңелле дә, шул ук вакытта моңсу да бәйрәм булып тора. Бәйрәмгә өлкән укытучылар һ.б. кунаклар килгән иде. 

Бу көннәрне мәктәпнең тәҗрибә участогында язгы утырту эшләре бара. Барлык укучылар да, булсынга дип, тырышып-тырышып эшлиләр. Инде суган, кишер, чөгендер, фасоль кебек яшелчәләр утыртылды. Утыртылган түтәлләр матур булып тезелеп баралар. Хәзер барыбызны да сөендереп үсәсе генә калды. 

     Intertat.ru редакциясе Бөек Җиңүнең 70 еллыгы уңаеннан укучылар арасында “Җиңү ядкәре” исемле бәйге уздырган иде. Ул укучыларда зур кызыксыну уятты. Шушы үткән бер-ике ай эчендә Татарстанның төрле районнарыннан йөздән артык иҗади эш кабул ителгән.  Шулар арасында Илексаз мәктәбенең 8 нче класс укучысы Фәрхетдинов Илназның да эше бар. Ул авылыбызның бердәнбер сугыш ветераны Әхмәтҗәнов Шәрифҗан ага һәм аның сугыш истәлекләре турында  укучыларга үзенең язмасын тәкъдим иткән иде. Аның эше  Intertat.ru сайтында урын алды һәм ул Диплом белән бүләкләнде (Укытучысы- Хәлиуллина Гөләндәм Гөлүс кызы).