“Сарман” газетасы каршындагы яшь хәбәрчеләр түгәрәге әгъзалары (барысы да Илексаз мәктәбе укучылары) үзенчәлекле логотип ясадылар.

Бүген 24 декабрь көнне Иске Кәшер урта мәктәбендә районкүләм татарча көрәш бәйгесе уздырылды. Лилия (8 класс укучысы)  - 1 нче урын, ә Азалия (6 класс укучысы) 3 нче урынны алдылар. Укытучылары - Хуҗин Ләззәт Кутдус улы

Бүген урамда укучылар белән кардан фигуралар ясадык 

Илексаз балалар бакчасында Яңа ел бәйрәменә чыршы бизәлде.

2016 елны Илексаз авыл халкы үзенчәлекле итеп каршы алырга булды.  Балаларны һәм авыл яшьләрен бәйрәмгә әзерлеккә киңрәк тарту максатыннан, Үзәк урамда чыршы янында кардан төрле сыннар, корылмалар ясау буенча конкурс игълан ителде. Беренче көннәрдән үк балалар һәм укучылар үзләренең әти-әниләре, әби-бабайлары белән берлектә авыл уртасындагы “әкият шәһәрчеге” ясарга керештеләр. Без дә бу чаарадан читтә калмадык. 

"Иннополис" махсус икътисадый зонада 7-10 нчы сыйныф укучылары арасында үткәрелә торган "Киләчәккә билет" һөнәрләр турында Республика иншалар конкурсында җиңүчеләрне бүләкләү тантанасы узды.

Бу конкурс "2014-2020 нче елларга Татарстан Республикасында эшче һәм инженер һөнәрләрен популярлаштыру" программасының бер чарасы булып тора. Конкурс агымдагы елның октябреннән  ноябрьгә чаклы ике этапта булды. Беренче - сайлап алу туры - муниципаль берәмлекләр арасында уздырылды. Анда җиңүчеләр икенче - республика этабына чыгарылган. 
Иҗади бәйгедә катнашучылар үзләренең эшләрен дүрт номинация буенча тапшырырга тиеш иде. Конкурс комиссиясе иншаларның оригинальлек, хиссилек, образлылыгына игътибар итте.

Барлыгы 1191 укучының рус һәм татар телләрендә язылган эшләре каралган. Финалга шуларның 153е үтте.

Илексаз төп гомуми белем бирү мәктәбеннән дә укучы катнашты – тугызынчы сыйныф укучысы Илназ Фәрхетдинов. Укытучысы – югары категорияле татар теле һәм әдәбияты укытучысы Гөләндәм Хәлиуллина. Илназ рәхмәт хаты һәм планшет белән бүләкләнде.

7 нче сыйныф укучысы Ләйсән татар теле олимпиадасында призер булды Аны бу җиңүе белән котлыйбыз Укытучысы - Халиуллина Гөләндәм Гөлүс кызы

Балалар бакчасында тәрбияләнүчеләр һәм аларның әти-әниләре бакча территориясендәге мәйданчыкта кардан фигуралар ясадылар.