Психолог Галялиева Винера Николаевна 12 нче май көнне 9 нчы сыйныф укучылары белән тренинг үткәрде.

Укучылар Илексаз авылында Җиңү көне уңаеннан үткәрелгән бәйрәм парадында концерт программасы белән катнаштылар. Шулай ук мәктәп коллективы исеменнән яу кырында ятып калган ватандашларыбыз истәлегенә венок салынды.

Илексаз авылы тарихын язу буенча "Тамырлар" фонды вәкилләре белән чираттагы очрашу булды.

Укучылар белән берлектә 9 нчы май - Җиңү көненә багышланган плакатлар яңартылды. Аларда Илексаз авылыннан чыккан Бөек Ватан сугышында катнашучылар турында мәгълүмат урын алды, укучыларның ветераннар белән очрашуларыннан алынган фоторәсемнәр урнаштырылды.

Башлангыч сыйныф укучылары Нәбиуллина Гүзәл, Әһлетдинова Адилә, Шәймиев Равил, Фәрхетдинов Илхам "Куркынычсыз тәгәрмәч" республика конкурсының район турында катнаштылар.

Мәктәп яны территориясендә язгы бакча эшләре дәвам итә. Бүген укучылар суган, кишер һәм чөгендер утырттылар.

"Мин татарча сөйләшәм!" акциясе кысаларында Г. Тукай тууга 130 ел тулу уңаеннан уздырылган район конкурсында безнең мәктәптән Фәрхетдинов Илназ (9 нчы класс), Мәҗитов Ленар, Байхуҗина Аида, (8 нче класс), Салахова Ләйсән (7 нче класс) катнаштылар. Фәрхетдинов Илназ 2 нче урын алып, кыйммәтле бүләккә лаек булды. 

26 нчы аперль көнне "Сарман мәгълүмат-мөхәррият үзәге"  һәм үзәк китапханә уздырган шигырь бәйрәмендә катнашып, мәктәбебез командасы грамотога лаек булды. Шулай ук татар теле һәм әдәбияты укытучысы Хәлиуллина Гөләндәм Гөлүс кызына да, яшь буында туган телгә хөрмәт, мәхәббәт тәрбияләүгә керткән өлеше өчен рәхмәт йөзеннән, грамота тапшырылды. Моннан тыш, катнашучыларга "Бөек Ватан сугышы һәм туган якны өйрәнү" музеена экскурсиягә билет тапшырылды. Мәктәп командасын җиңүләре белән котлыйбыз, киләчәктә дә зур уңышлар телибез!

Район күләмендә башлангыч сыйныф укучылары арасында үткәрелгән "Тукай безнең күңелләрдә" рәсем конкурсында безнең мәктәп укучылары да катнашты. Мәктәп турына ясалган эшләрнең иң-иңнәре дип Рәхимова Алсу (1 нче сыйныф), Нәбиуллина Гүзәл, Хәлиуллина Алия (3 нче сыйныф), Хәлиуллина Гүзәл, Аһлетдинова Адиләләрнең (4 нче сыйныф) эшләре табылды.

23 аперль көнне 8-9 нчы сыйныф укучылары Бөек Ватан сугышы тарихы буенча үткәрелгән Бөтенроссия тестының онлайн вариантында катнашты. Укучыларның барысы да яхшы нәтиҗәләр күрсәтте, мөмкин булган 30 баллдан мәктәп уртача 24 балл җыйды.