Бүген 1-9 нчы сыйныф укучыларының МЧС хезмәткәрләре белән очрашуы үтте. Кунаклар закон бозу профилактикасы буенча доклад ясадылар, язгы каникул вакытында бозда йөрү кагыйдәләре турында кисәттеләр.

Мәктәптә Туберкулезга каршы көрәш декадасы башланды. Декада кысаларында мәгълүмати-тематик брошюралар, буклетлар чыгару, башлангыч сыйныф укучыларының рәсемнәре күргәзмәсен оештыру, плакатлар чыгару, әти-әниләр өчен мәктәп сайтында "Балалар һәм яшьүсмерләрдә туберкулез" темасына мәгълүмат урнаштыру, 5-9 нчы сыйныф укучылары арасында, туберкулез турындагы белемнәрен ачыклар өчен, анкета үткәрү һ.б. каралган.

17 нче март көнне, Финанс грамотлылыгы атналыгы кысаларында, 5-9 нчы сыйныф укучылары өчен "Ак барс" Банк ААҖ хезмәткәрләре белән очрашу үткәрелде. Очрашуда укучылар банк төзелеше, пластик карталар белән эш итү турында мәгълүмат алдылар; финанс пирамидаларының төп сыйфатларын, кредит алу нечкәлекләрен,  банкка акча салганда нинди мәсьәләләргә игътибар итәргә кирәклеген белделәр. Очрашу укучыларга бик ошады.

Мәктәбебездә бүген рус теле һәм әдәбияты атналыгы башланды. Шул уңайдан, 5-9 нчы сыйныф укучылары (укытучылары Р.И. Бәдертдинова) тематик стена газеталары чыгарды. Аларның күбесе 2016 нчы елда юбилейлары билгеләп үтелгән рус язучылары иҗатына багышланан.

Шундый девиз астында 4 нче мартта Халыкара хатын-кызлар көненә багышланган бәйрәм чарасы үтте. Әниләр һәм кызлар командалары арасында бәйге формасында үткәрелгән әлеге чарада шаян конкурслар күңелле концерт номерлары белән үрелеп барды. Мәктәбебез укытучыларыннан торган вәкәләтле жюри составы ике команданы да тигез нәтиҗәләр күрсәтте, дип таныды.

2 нче март көнне беренче сыйныф укучыларның тагын бер бәйрәме - Әлифба белән саубуллашу кичәсе үтте. Сыйныф җитәкчеләре Аһлетдинова Н.В. белән укучыларның уртак  тырышлыгы ярдәмендә, бәйрәм бик күңелле узды. Килгән кунаклар да күтәренке күңел белән кайтып киттеләр.

Балалар бакчасында юл йөрү кагыйдәләренең тыючы билгеләре турында күрсәтмә дәрес үткәрелде.

Бүген мәктәптә "Аҗаган" хәрби-патриотик уены узды. Уеннар ике этапта оештырылды: 5-9 нче сыйныф укучылары һәм башлангыч сыйныф укучылары, үзара бүленеп, медицина һәм спорт әзерлеге буенча практик күнегүләр күрсәтте. Башлангыч сыйныфлар арасында "Яшелләр" командасы җиңде, ә өлкәннәрнең ике командасы да бертигез нәтиҗәләр күрсәтте.

"Яшел ут" конкурсына материаллар әзерләнә башлады.

5-9 нчы сыйныф укучылары катнашында "Гражданин. Җәмгыять. Дәүләт" дип исемләнгән парламент сәгате үтте. Укучылар, ике командага бүленеп, кем ул гражданин, аның хокуклары нинди, нәрсә ул җәмгыять, референдумнар ни өчен кирәк һ.б. сорауларга җавап эзләделәр. Тарих һәм  җәмгыять белеме укытучысы Салихова Р.Р. ның чыгышы һәм әзерләнгән презентация аша парламент сәгатьләре уздыруның тарихы, үзенчәлекләре белән таныштылар; Россия Федерациясе һәм Татарстан Республикасы Конституцияләре, сайлау системасы, дәүләт структурасы, сайлау процессы һ.б. турында булган белемнәрен тулыландырдылар.