Барың бергә яшәгәч

Күңелле була икән ул.

Дус- ишләрең күп булгач

Җиңел була икән ул.

Бу атна "Көз күчтәнәчләре" атналыгы булды.Балалар белән бу темага карата рәсемнәр ясалды, яшелчәләр, җиләк- җимешләр турында шигырьләр өйрәндек, табышмакларга җаваплар таптык. Көзге бакчага экскурсиягә чыктык.Табигый материаллардан әйберләр ясадык.

Карагыз әле бер генә,

Безнең күмәк эшләргә.

Карап -карап та туймаслык,

Мондый эшләр бер генә.

Безнең бакча балалары

Яшелчәләр үстерә.

Бакчадагы туптан да зур,

Мәсәлән, мин, кәбестә.

                                       Карагыз әле, бер генә 

                                       Менә миңа кабакка

                                          Турап куйсагыз, мин сыймыйм

                                           Хәтта тугыз табакка.

Мәдәният хезмәткәрләре белән берлектә "Кабак" бәйрәмен үткәрдек. Балалар белән бергәләп кабаклардан төрле әйберләр ясадык. Шигырьләр , җырлар өйрәндек, күңелле уеннар уйнадык.

Күңелләргә якты нур өләшеп,
         Шатлык өстәп һәрбер йөрәккә,
         Үз муллыгы белән көзләр килә,
         Йомгак ясап  җәйге хезмәткә.

                                                        Табындагы икмәк, сый-нигъмәтне

                                                          Күреп, ил картлары шатлана.

                                                     Муллык белән җиргә килә көзләр,

                                                          Көзге муллык кыла тантана.

 Җиргә төшә сары,  ал яфраклар,
          Көз җиткәнен алар белдерә.
          Алтын көзең синең, туган ягым,
          Күңелемә якын, бер генә.

                                                            Һәркайда да муллык, туклык,
                                                                Һәрбер җирдә көзге шатлыклар.
                                                          “Кара көз” дип сиңа беркем әйтмәс,
                                                          Кочагыңда муллык,  байлыклар.

             Хәерле көн, якын дуслар,
        Котлы булсын кабак бәйрәме!
        Кичәбезгә олы ямьнәр биреп,
        Бизәп торсын кабаклар  бәйләме!

Югары Шытсу мәдәният йорты директоры Салихова Рушания  балаларны "Кабак" бәйрәме белән котлап бүләкләр тапшырды.

Шатлыклар күңелебездә, 

Ал кояш күгебездә.

Килегез дуслар кунакка,

Кабак бәйрәме бүген бездә.!

Әлхәмдүлилләһ , мөселманнарның  олы бәйрәме - Корбан гаетен бәйрәм итәбез. Бу көннәрдә мөэмин- мөселманнар Аллаһка якынаю өчен корбан суялар, гаиләсен, туганнарын, фәкыйрьләрне, ятимнәрне сыйлыйлар. Моның өчен Аллаһ Тәгалә бик юмарт итеп бүләкләр, әҗер- саваплар бирә..

           Дөньяда иң- иң яхшы дин,

          Ул минем - Ислам динем.

          Дөньяда иң- иң матур тел,

          Ул- Коръән- Кәрим теле.

Рәхмәт Сиңа, йә Раббым

Мине халык кылгансың.

Рәхмәт Сиңа, Аллаһ Тәгәлә

Безне ризыкландырасың.

Иртүк торып битләрен юганнар,

Кем уяткан Зәлияне, Ленурны, Адельне?

Уятмаган үзләре торганнар,

Бүген бит Корбан бәйрәме!.

Бу атна "Алтын көз " атналыгы булды. Балалар  белән   атна  дәвамында шигырләр, җырлар, биюләр өйрәндек, табышмаклар әйтештек.Йомгаклау чарасы итеп көзгә багышлап рәсемнәр ясадык, "Шалкан" әкиятен сәхнәләштереп уйнадык.

Оча сары яфраклар,

Шундый үз, шундый ятлар.

Әйтерсең, ярсу атлар.

Әйтә күк алар гүя:

-         Бар иде, –  дип, –  безнең дә

Кайчандыр яшел чаклар...

Оча сары яфраклар –

Көзләрдән тәүге хатлар,

Җәйләрдән соңгы хәбәр.

Сөйли белсәләр әгәр,

Әйтерләр иде: “Хушыгыз,

Киләсе язга кадәр.

Хушыгыз, язын кайтырбыз,

Ямь-яшел бөре булып...”

Саубуллаша яфраклар

Йөзләргә кунып-кунып.

Моны күреп торган болыт

Елый күңеле тулып.