Сез дә безгә кушылыгыз-

Без шатлык таратабыз.

Тирә- якны яңгыратып

Биергә яратабыз.

Яшел чыршы,аллы- гөлле утлар-

Яңа елның гүзәл бизәге.

Уртаклашып бүгенге шатлыкны,

Тели безгә изге теләген.

                                              Яңа ел теләкләрендә

                                              Күңел җылысы ята.

                                                Елның иң матур бәйрәме

                                             Тагын әйләнеп кайта.

Дусларым! Бәйрәм җитә бит!

Бер ел буе алдык аны көтеп.

Онытыйк та иске борчуларны,

Яңа елга атлыйк кыю итеп.

Карлы урман сукмаклары буйлап,

Ак юрганлы кырлар, басу аша

Уйнап- көлеп сезгә килгән чакта,

Күңелдә шат җырлар таша.

                                                  Күтәренке көйләр белән, дуслар,

                                                 Армый- талмый атлап үттек без.

                                                   Котлауларны ирештерер өчен

                                               Җир читеннән килеп җиттек без.

                                                         Кыш бабай

                                   Әй! Кыш бабай,Кыш бабай,

                                   Безгә якын дус бабай.

                                   Көтеп алдык без сине,

                                  Күңелләргә хуш бабай.

Исәнмесез, балалар!

Исәнмесез, кунаклар!

Яңа ел белән сезне,

Яңа бәхетләр белән!

Яңа елда зур үсегез,

Илгә хезмәт итегез.

Куян күзне ачуы

Төпкә менеп басуы.

Бер, ике,өч- утыра,

Бер , ике, өч - ул тора.

Аю килгән урманнан,

Ерак диеп тормаган.

Уйный балалар белән:

Тәпиләрен күтәрә,

Аннан кире төшерә,

Урында биеп ала,

Ә балалар кул чаба.

Кулны- кулга тотынып

Җырлыйбыз да биибез.

Яңа кәҗә елында 

Бәхет, шатлык телибез.