29 нчы мартта Түбән Кама шәһәрендә булып узган " Рукотворный мир" конкурсында 9 нчы сыйныф укучысы Нуриева Зәриянең эше II урынга лаек булды. Аның  җитәкчесе технология укытучысы Фальванова Айгөл Фидаилевна

28 март көнне Саба спорткомплексында укытучылар арасында волейбол ярышлары булып үтте. Ярышта 8 команда катнашты. Уеннарның нәтиҗәсе безнең өчен куанычлы булды. Кубок бездә! Икенче урында - Мичән, өченче урында Кадет интернат -мәктәбе. Безнең команда составында Биктимиров А.Г., Хаҗиев А.Х., Михайлова Н.Ә., Гарифуллина М.М., Фазылова Г.Җ., Галимова Г.Х., Фазылов Р.М., Шакиров Ш.Х. лар уйнады. Молодцы!

24 март көнне Шыңар урта мәктәбендә укытучылар арасында волейбол буенча зона ярышлары булып үтте. Ярышта Симет, Шыңар, Мичән, Тимершык урта һәм Кызыл Мишә төп мәктәпләре командалары катнашты. Киеренке төстә барган ярышларда безнең мәктәп командасы җиңү яулады. Икенче урында - Мичән, өченче урында Симет урта мәктәпләре командалары. Безнең команда составында Биктимиров А.Г., Хаҗиев А.Х., Михайлова Н.Ә., Гарифуллина М.М., Фазылова Г.Җ., Галимова Г.Х., Фазылов Р.М., Шакиров Ш.Х. лар уйнады. Команданың 28 март көнне булачак район ярышларында җиңү яулавын телибез! Уңышлар сезгә!

23 март көнне безнең мәктәп базасында укучылар арасында волейбол буенча зона ярышы булып үтте. Егетләр арасында беренчелекне Симет урта мәктәбе, икенче урынны Тимершык урта мәктәбе, өченче урынны Мичән урта мәктәбе командалары яулады. Кызлар арасында Мичән командасы - беренче, Симет командасы - икенче, Тимершык командасы - өченче урыннарны яулады. Молодцы!

22 нче март көнне районда үткәрелгән " Юный программист" конкурсында 9 нчы сыйныф укучысы Нуруллин Рәмис катнашты. Ул анда " А какой вам нравится Windows?" дип аталган  эшен яклады. Рәмискә киләчәктә зур уңышлар телибез.

22 март көнне 7-8 нче сыйныф укучылары (җитәкчеләре Нуруллина З.Ф., Хәбибуллина Э.Ә.) Арча якларында сәяхәттә булып кайттылар. Алар Арчада эшләп килүче этнография музеенда һәм педагогия көллиятендәге "Әлифба" музеенда булдылар.

21 нче март көнне 5нче класс укучылары Саба № 2 мәктәбенең Диңгез музеенда экскурсиядә булдылар. Музейда булган экспонатлар, язмалар, тарихи материаллар белән таныштылар. Укучылар әлеге экскурсиядән матур хисләр белән кайттылар. Безне ачык йөз белән каршы алуларына мәктәп коллективына зур рәхмәт. Рәхмәтебезнең зурысы музей җитәкчесе Валиахметов Ришат Ренатовичка. Эшегездә зур уңышларга ирешүегезне теләп калабыз.

19 нчы мартта 10 нчы сыйныф укучылары химиядән интернет - тест үттеләр.

Кабатланмас балачак иленең иң зур бәйрәмнәренең берсе - Әлифба бәйрәме. Җир йөзендә кем генә булмасын, кайда гына эшләмәсен, ул зур дулкынлану белән үзенең нәни кулларына тәүге тапкыр Әлифба алганынисенә төшерә.Мәктәбебезнең иң нәни укучылары бүген беренче җиңүләрен, әлифбаны өйрәнүне тәмамлауларын билгеләргә җыйналдылар. Бәйрәмдә  әти - әниләр зур дулкынлану белән чыгыш ясадылар. Балаларына һәм укытучылары Марсилә Миннәхмәтовнага рәхмәтләрен белдерделәр.

Ә укучылар һәрберсе бәйрәмнең үзәгендә булды. Бәйрәм матур җырлар, шигырьләр, биюләр белән үрелеп барды. Тапкырлык һәм зирәклектә, осталык һәм булганлыкта сыналдылар. Алга таба уңышлар.  

                                                           Зур белемле булып

                                                           Кеше булыгыз сез илдә!   

18 нче март көнне районыбыз укучылары, татар теле һәм әдәбияты укытучылары танылган татар язучысы, күренекле прозаик, һәркемнең күңеленә кагылырлык үзенчәлекле әсәрләр иҗат итүче Нәбирә Гыйматдинова белән онытылмаслык очрашу мизгелләре кичерде. Очрашу тәрбияви һәм мавыктыргыч булып үтеп, һәркем күңелендә матур хисләр уятты.