Апрель аенда татар халкы бөек Тукайның тууына 130 еллыкны билгеләп үтәчәк. Шул исәптән мәктәбебездә, "Туган тел" айлыгына багышланган чаралар планы төзелде.

Бүген, 28 март көнне, Балалар иҗат үзәгендә районыбыз мәктәпләре арасында Шаяннар һәм тапкырлар клубының финал ярышлары үтте. ШТК уены барлыгы 3 конкурстан торды: сәламләшү, музыкаль өй эше һәм видеоролик. Барлык командалар да бик яхшы итеп әзерләнгәннәр иде. Кызыклы этюдлар, инсценировкалар, көлкеле реклама роликлары, җор такмаклар, үтемле сатира-юморга бай номерлар бик матур тәэсир калдырды. Мәктәбебезнең “Бетергечләр” командасы 1 урынга лаек булды.

   Бүген Лесхоз бистәсендә яшүсмерләр һәм өлкәннәр арасында шәхси беренчелек өчен, Россия Федерациясенең һәм Татарстан Республикасының Атказанган урманчысы Н.М.Миннеханов истәлегенә багышланган шахмат ярышлары булып узды. Безнең мәктәп укучылары да бу ярышларда актив катнашты. Фаваризова Рәлинә 2 урынга лаек булды. (Җитәкчеләре - Гарипова А.Р.)  

Татар телен, әдәбиятын, мәдәниятен саклау һәм үстерү, укучыларда әдәбиятка, сәнгатькә кызыксыну уяту, әдәби иҗатка сәләте булган яшьләрне ачыклау максатыннан, Татарстан Республикасы Мәгариф һәм фән министрлыгы Татарстан Язучылар оешмасы белән берлектә татар телендә иҗат итүче мәктәп укучылары арасында “Илһам” бөтенроссия яшь язучылар бәйгесе игълан иткән иде. 23 нче март көнне Арча районының “Габдулла Тукай исемендәге Арча педагогика көллияте”ндә әлеге бәйгенең  зона этабы узды. Безнең мәктәптән  “Яшь шагыйрьләр” номинациясендә 5 класс укучысы Минһаҗева Алзирә (җитәкчесе Гарипова А.Р) чыгыш ясады. Аларга иҗади уңышлар һәм зур казанышларга ирешүләрен телибез.

    Бәйгедә көч сынашучыларны Казандагы тәбрикләү тантанасы көтә,  җиңүчеләр тантана барышында игълан ителәчәк. 

Укучыларыбыз  каникулда буш вакытлырын файдалы үткәрәләр. 24 март көнне Шекше авыл җирлеге клубы белән берлектә "Нәүрүз бәйрәме"нә бирнә җыюда актив катнаштылар. 

22 март көнне "Г.Тукай исемендәге Арча педагогия көллияте" ндә башлангыч сыйныф укучылары өчен республика күләмендә "Яңгыравык шигырь тамчылары" дип аталган шигырь сөйләүчеләр конкурсы булып узды. Саба районыннан бу конкурста Шекше төп мәктәбенең 2 сыйныф укучысы Гибадуллина Камилә (җитәкчесе башлангыч сыйныфлар укытучысы Гибадуллина Р.Х) "Образ тудыру" номинациясендә җиңүче исеменә лаек булды. Диплом һәм истәлекле бүләк белән бүләкләнде.

 21 март көнне Шәмәрдән лицее базасында "Аҗаган - 2016" хәрби - спорт уеннары үтте. Командалар стройда җырлап бару, автомат сүтеп җыю, төз ату, турникта тартылу, эстафета һәм башка төрләр буенча көчләрен сынаштылар. Безнең мәктәп укучылары да бу уеннарда актив катнашты.  

Каникуллар күңелле һәм файдалы үтә. Бүген укучыларыбыз КВН ның финал этабына әзерләнделәр. 9 сыйныф укучылары өчен консультацияләр һәм авыр үзләштерүче, дәрес калдырган укучылар белән индивидуаль эшләр оештырылды.

17 март көнне "Балалар китабы атналыгы" кысаларында мәктәп китапханәчесе Махмутова Г.М. ата-аналарга, балаларны китап укуга җәлеп итү максатыннан "Син китап укыйсыңмы?" темасына чыгыш ясады. Соңыннан "Булсаң зирәк - әйт тизрәк" интеллектуаль уены үткәрде. Уенда барлык ата-аналар актив катнашты.

Бүген мәктәбебездә әти-әниләр җыелышы булып узды. Махмутова Г.З. "3 нче чирек йомгаклары, алда торган бурычлар", Габделхакова Г.Р. 3 нче чиректә класстан тыш эшләр торышы,  каникул планы, алда торган эшләр белэн таныштырды. Мәктәп китапханәчесе Махмутова Г.М. ата-аналарга, балаларны китап укуга җәлеп итү максатыннан "Син китап укыйсыңмы?" темасына чыгыш ясады. Соңыннан "Булсаң зирәк - әйт тизрәк" интеллектуаль уены үткәрде. Уенда барлык ата-аналар актив катнашты.Соңыннан әти-әниләр индивидуаль сөйләшүләргә таралдылар.