Тимурчылык – изге эш

                                                                   Без- тимурчылар,

                                                                   Зирәк кеше без.

                                                                   Һәркем өчен дә

                                                                   Кирәк эшебез.

    Кыш үзенең кар –бураннары белән көн саен сөендереп тора. Ләкин өлкәннәр өчен ул зур бәлагә дә әйләнә шул. Яшь һәм сәламәт  көчле кеше өчен кар көрәү, юл-сукмаклар ачу эше бер ни дә түгел. Ә менә өлкәннәр һәм ярдәмгә мохтаҗлар өчен бу эш бик авыр кыен санала. Авырлыклардан коткаручылар да табыла. Алар-Шәмәрдән лицее 5, 6, 7 һәм 8 классларында укучылар, аларның класс җитәкчеләре. Һәр класс Шәмәрдән, Мичәнбаш, Кырбаш, Олыяз авылларында яшәүче ялгыз һәм ярдәмгә мохтаҗларны барлап чыкты, үз “канаты” астына алды. Төп максатлары: кар өемнәрен юк итү, киң  чиста  сукмаклар, юллар салу. Укучыларга бу изге эш ял, физик күнегү булса, өлкәннәргә- зур ярдәм. Аларның җылы сүзен һәм рәхмәтен ишетү тагын бер рәхәт, күңелдә яңа эшләргә өмет уята. Бер рәхмәт мең бәладән коткара дигән халык әйтемен дә искә алсак, рәхмәтләр  авырлык, бәлаләрдә ярдәм итәр дип ышанасы килә. Рәхмәт сүзен ишетү үзе үк рәхәт бит ул.

                                                                                                                                                                                                                                      Галиуллина Э.И.