Педсовет узды…

    I яртыеллыкка нәтиҗә ясау, киләчәккә максатлар билгеләү өчен, 30 декабрь көнне Шәмәрдән лицеенда педсовет узды. Ул  “Илһамият “ түгәрәгенә йөрүче укучыларның чыгышлары белән башланды.Аны әзерләгән Шакирова А.А., Назмутдинова Э.Р.,  Әхмәтшина Л.М.-га зур рәхмәт белдерәбез.

    Уку елының I яртыеллыгына нәтиҗәләр тыңланды.Укучыларның өлгереш һәм уку сыйфаты канәгатьләнерлек дип бәяләнде. Психолог  А.Әминовна чыгышы буенча, укучыларга психологик- педагогик якын килеп  кенә белем һәм тәрбия бирергә кирәк. 11 класс укучылары, әти- әниләр белән БДИга әзерлек буенча аңлату, әңгәмәләрне дәвам итәргә кирәклеге искәртелде. Класс җитәкчеләренә ярдәм йөзеннән Яппарова Р.М. үз тәҗрибәсе буенча чыгыш ясады. Емельянова Л.М.  өстәмәләрдә һәр классның эшенә бәя бирде.

    Укучыларның контроль эшләре, сынау формасында узган БДИлары бәяләнде.  Укучыларның бланк тутыруга игътибарын юнәлтергә кирәклеге искәртелде.

    Педсоветның карарлары:

1.Укучылар белән психологик- педагогик эшне арттырырга, аеруча, 8 классларда;

2.Укытучыларның педагогик тактлылыгын үстерү өстендә эшләргә;

3. Педагогик этика, методиканы өйрәнү эшен камилләштерергә;

4.БДИ һәм олимпиадаларга әзерлек эшен җанландырырга.