Бүген, 29 сентябрь иртәсендә, өлкән класс укучылары Саба эш белән тәэмин итү үзәгеннән килгән  инспектор - Загидуллин Рафаиль Рафаэлович  белән очраштылар. Ул бүгенге көндә иң актуаль булган мәсьәләләрнең берсе- эшсезлек проблемасы буенча сөйләде. Өлкән класс укучылары профессия  сайлаганда безнең төбәктә кирәкле булган һөнәрләр турында хәбәр алдылар. Районыбызда повар, трактористлар, Д,Е категорияле шоферлар, балта осталары җитмәве ассызыкланды. Шулай ук, эш белән  тәэмин итү үзәгендә торып та, кирәкле эш таба алмаучыларга өстәмә белем бирү мөмкинлеге әйтелде. Укучылар үз эшен башлап җибәрү өчен  бу үзәк аша 58 800 сум күләмендә акча алып булуы турында хәбәр алдылар. Очрашу ахырында балалар Шәмәрдән предприятияләренә  иң кирәкле һөнәрләр нинди дигән сорау бирделәр. Шулай үк эшчеләрнең хезмәт хакы белән кызыксындылар. “Бу очрашу өлкән класс укучыларына һөнәр сайлаганда зур ярдәм итәр дигән теләктә калабыз,”- дип сүзен тәмамлады Рафаиль Рафаэлович.

   Линейканың икенче өлешендә  Емельянова Лейсан Мазитовна укучылар алдында торган мәсьәләләргә туктады. Ул сәбәпсез дәресләр калдыру, соңга калып килү, әшәке гадәтләр, кичке 10нан соң урамда йөрмәү турында  чыгыш ясады