Җәмгыятебез укытучы алдына зур бурычлар куя. Көндәшлеккә сәләтле, тормыш таләпләренә яраклаша белә торган, рухи һәм физик яктан камил шәхес тзрбияләү- төп максатыбыз. Бу максатка ирешү өчен укытучыга заман белән бергә атларга туры килә.

     Соңгы елларда зур тизлек белән үскән интернет челтәрен укытучыларыбызның күбесе үзләренең педагогик, методик осталыгын үстерүдә, белемен күтәрүдә, тәҗрибә алмашуда, ата- аналар белән эшләүдә, дәрес һәм класстан тыш эшләрне әзерләүдә, үткәрүдә оста куллана. Эш тәҗрибәләре белән мәктәп сайтларында, ТР Мәгариф һәм фән министрлыгының “Белем порталы”нда, “Ачык сыйныф”, “Методист” электрон битләрендә уртаклашалар.

    ТР электрон белем бирү проекты кысаларында укытучылар өчен күп кенә берләшмәләр- сообщество оешты.Анда теләгән һәр педагог үз эш тәҗрибәсен урнаштыра, күңеленә хуш килгәнен сайлап ала һәм борчыган сорауларына җавап та таба ала.

     “Ачык сыйныф”(http://www.openclass.ru) күпләргә таныш.”Бердәм дәүләт имтиханнарына әзерлек” (http://www.uztest/ru.) укытучылар, укучылар өчен файдалы.

Укытучыларга осталыкларын камилләштерүдә, укучыларга катлаулы һәм озын белем үрләрен яулауда интернет челтәре ярдәм итсен.