Муниципальное бюджетное общеобразовательное учреждение "Шеморданский лицей "Рост" Сабинского муниципального района Республики Татарстан"
Визитная карточка
Адрес: | 422050, Республика Татарстан, Сабинский район, с. Шемордан, ул. Ф.Карима. д.2 |
Телефон: | +7(843)-623-22-90 |
E-Mail: | shemordan1@yandex.ru |
Министерство: | Министерство образования и науки Республики Татарстан |
Короткое название: | МБОУ "Шеморданский лицей "Рост" |
Руководитель: | Мухаметов Ильфат Рустамович |
Год основания учреждения: | 2004 |
У нас учатся: | 795 учащихся |
У нас учат: | 85 учителей |
Новости
Әниләргә мәдхия
Опубликовано: 25.11.2010“ Әниләргә мәдхия” .
Дөньяда бернинди бәһагә биргесез
Тиңдәшсез зур көч бар Анада;
Мәхәббәт хисе ул!
Океан төсле ул!
Саф та ул, тирән дә, көчле дә.
Мәкерне белми ул,
Хыянәт- чит аңа,
Кешелек бирә ул кешегә.
Нәкъ мәнә шуңа да,
Аналар алдында
Баш ия намуслы кешеләр...
(Э.Мөэминова)
Әни, Әнием... Өч хәрефтән генә торган бу сүздә күпме наз, җылылык һәм күңел тойгысы!
Әни...
Һәрбер кеше өчен иң кадерле, иң сөйкемле зат ул!
Әни...
Күпме йокысыз төннәр, күпме сагыш һәм борчу бу сүздә! Газап һәм тирән борчулардан котыласың килсә,аның күзләренә генә кара.Шунда ук бөтен кайгы- сагышларың эреп югалаУл күзләр шундый мөлаем һәм ягымлы.Әйтерсең бөтен дөньяның акылын һәм сабырлыгын җыйган диңгез!
Ә әнкәйнең куллары иң- иң йомшак, иң-иң җылы, иң-иң кадерле куллардыр, мөгаен.Шул ягымлы куллар сиңа кагылуга, бөтен кайгыларың югала.Ә
“Балам!”,- дип аркаңнан сыйпаса, сиңа гүя очар канатлар үсә! Ә сүзләре... Сүзләре шундый татлы, туң йөрәкләрне эретерлек җылы.
Ә авырсаң...Авырсаң, төннәр буе күз йоммыйча, яныңнан да китми инде ул! Бары әнкәйләр йөрәге генә шулкадәр түзем , шәфкатьле.
Әни, әни...
Әни тенә сагынып көтә белә, әни генә гафу итә, әни генә ихлас ярата. Әниләр генә олы йөрәкле, сабыр, мәрхәмәтле.Тормышта бик авыр минутлар була, кара хәсрәт килә, дуслар ташлый, якын кешеләр рәнҗетә, шул вакыт авыр хәсрәтеңне арык җилкәләренә күтәрергә дип яныңа газиз әниең килә. Гарип баласы утырган арбаны да авырсынмыйча гомер буе этеп йөрергә бары тик ананың гына сабырлыгы җитә.Әни генә хыянәт итми, әни генә һәрвакыт аңлый, ул гына хәлеңә керә, абынсаң, хәлсез куллары белән тартып торгыза, үз йөрәге туктыйм- туктыйм дип типсә дә, синең йөрәк яраларыңны дәвалый, юатырдай сүзләр таба, күңелеңдә өмет уята.
Дөньяда бердәнбер изге кеше- әни генә!
“ Рәхмәт, рәхмәт, Әни!” дип тибә гел
Гомер буе Кеше йөрәге.
Белә Кеше: киң һәм чиксез җиһан
Аңа анасының бүләге.
Кадерле газиз әнием-Имамиева Мөбәйянә Гайсә кызы Югары Симет авылында гомер кичерә.Кайнанам,-әнием-Галиуллина Хөмәйрә Мансур кызы Олыяз авылында яши. Алар икесе дә бүгенге көндә матур итеп оныклар тәрбиялиләр, эштән кайтучыларны җылы ризык , кайнар чәй әзерләп каршы алалар, хәерле эш көннәре теләп һәр көн эшкә озаталар.Алар түземле, сабыр кешеләр.Икесе дә бу дөньяны танырга, тормыш итәргә өйрәтүчеләр, үз теләкләрен һәм киңәшләрен биреп, дөрес юл күрсәтүчеләр дә.
...”Кызым, сиңа әйтәм, кияү тыңла,
Без аналар шулай дип дәшәбез.
Көн үткәндә яңгыр , җил дә булыр,
Инсаф саклап, тату яшәгез.
Берең кызса, берең кызмый калып
Сакланыгыз шыксыз ялкыннан.
Салкын да бит кышын кар яудырып
Уңышларын саклый салкыннан.”
Шалтырамый тормый савыт- саба,
Ләкин ызгыш ерак, бул тыныч.
Диңгез өчен корган корабларга
Күл дулкыны салмый куркыныч.
Әниләрем! Кадерле кешеләрем минем! Сездәге игелек, мәрхәмәт, олпат сабырлык миңа да күчсә иде. Нинди генә рәхмәтләр әйтсәм дә , җитмәс төсле. Минем бердәнберләрем, бурычлы мин Сезгә, бик бурычлы...
Саба районы Олыяз авылыннан Галиуллина Энҗе Илфат кызы.
К списку новостей